தமிழக சட்டமன்றத் தேர்தலில் தமிழ்த் திரையுலகத்தைச் சேர்ந்த பலர் களமிறங்கினர். அவர்களில் பெரும்பாலானோர் தவெக அலையில் சாதித்துள்ளனர். தவெக தலைவர் விஜய் சென்னை பெரம்பூர் மற்றும் திருச்சி கிழக்கு தொகுதிகளில் போட்டியிட்டு இரண்டிலும் அமோக வெற்றி பெற்றார். இது அவரது இரட்டை வெற்றியாக பெரும் பரபரப்பை ஏற்படுத்தியுள்ளது.

விஜய்யின் நெருங்கிய நண்பரும் நடிகருமான ஸ்ரீநாத் தூத்துக்குடி தொகுதியில் தவெக சார்பில் போட்டியிட்டு திமுக அமைச்சர் கீதா ஜீவனை தோற்கடித்து வெற்றி பெற்றார். ஸ்ரீநாத் 1,00,536 ஓட்டுகள் பெற்று மிகப் பெரிய வெற்றியைப் பதிவு செய்தார். சென்னை ரோகிணி தியேட்டர் உரிமையாளர்களில் ஒருவரான ரேவந்த் சரண் மதுரவாயல் தொகுதியில் தவெக சார்பில் நின்று 1,41,725 ஓட்டுகள் பெற்று சகட்டுமேனிக்கு வெற்றி பெற்றார்.

எழும்பூர் தொகுதியில் ராஜ்மோகன் (தவெக) வெற்றி பெற்றார். ஒரு படத்தை இயக்கியும், சில படங்களில் நடித்தும் அனுபவம் கொண்ட ராஜ்மோகன் 53,901 ஓட்டுகளுடன் வெற்றி பெற்றார். வந்தவாசி தொகுதியில் தயாரிப்பாளர் அம்பேத்குமார் திமுக சார்பில் போட்டியிட்டு 63,805 ஓட்டுகளுடன் வெற்றி பெற்றார்.

இதையும் படிங்க: ஒரு ஓட்டு வித்தியாசத்தில் வெற்றியா? தமிழகத்தில் குறைந்த, அதிக ஓட்டு வித்தியாசத்தில் வெற்றி பெற்றவர்கள் லிஸ்ட்!

திமுக சார்பில் உதயநிதி ஸ்டாலின் சென்னை சேப்பாக்கம்-திருவல்லிக்கேணி தொகுதியில் 62,992 ஓட்டுகளுடன் வெற்றி பெற்றார். 

மறுபுறம், சில திரைக்கலைஞர்கள் தோல்வியைத் தழுவினர். மதுரை மத்தியில் இயக்குநர் சுந்தர் சி மூன்றாவது இடத்திலும், சிவகங்கையில் நடிகர் கருணாஸ் மூன்றாவது இடத்திலும் தோற்றனர். நாம் தமிழர் கட்சியின் சீமான் 30,793 ஓட்டுகளுடன் நான்காவது இடம் பெற்று டெபாசிட்டை இழந்தார். நடிகர் மன்சூரலிகான் லால்குடியில் வெறும் 101 ஓட்டுகள் மட்டுமே பெற்றார். பென்னாகரம் தொகுதியில் ஜிகே தமிழ்க்குமரன் தோல்வியைச் சந்தித்தார்.

ஒட்டுமொத்தமாக, திரையுலகத்தினர் தேர்தல் களத்தில் கலந்துகொண்ட இந்த முறை தவெக-வுக்கு பெரும் ஆதரவு கிடைத்துள்ளது. விஜய்யின் தலைமையில் பல திரைக்கலைஞர்கள் வெற்றி பெற்றிருப்பது தமிழக அரசியலில் புதிய மாற்றத்தை உருவாக்கியுள்ளது. ரசிகர்கள் மற்றும் அரசியல் பார்வையாளர்களிடையே இந்த முடிவுகள் பெரும் வரவேற்பைப் பெற்றுள்ளன.

இதையும் படிங்க: அரசியல் அதிரடி ஆரம்பம்! சினிமாவை விட்டு முழுதாக விலகும் விஜய்!! யூகங்களுக்கு முற்றுப்புள்ளி!!