கேரள சட்டமன்றத் தேர்தல் முடிவுகள் இந்திய அரசியல் வரலாற்றில் ஒரு முக்கிய திருப்புமுனையை ஏற்படுத்தியுள்ளன. 1977-க்குப் பிறகு முதன்முறையாக இந்தியாவில் எந்த மாநிலத்திலும் கம்யூனிஸ்ட் கட்சி ஆட்சி அமையாத நிலை உருவாகியுள்ளது.

கேரளாவில் மொத்தம் 140 தொகுதிகளுக்கு நடைபெற்ற தேர்தலில், மார்க்சிஸ்ட் கம்யூனிஸ்ட் கட்சி தலைமையிலான இடது ஜனநாயக முன்னணி (எல்டிஎஃப்) தோல்வியைத் தழுவியது. முதல்வர் பினராயி விஜயன் தலைமையிலான இந்தக் கூட்டணியை வீழ்த்தி, காங்கிரஸ் தலைமையிலான ஐக்கிய ஜனநாயக முன்னணி (யுடிஎஃப்) அமோக வெற்றி பெற்றுள்ளது. 98 இடங்களை கைப்பற்றிய யுடிஎஃப், தெளிவான பெரும்பான்மையுடன் ஆட்சியைப் பிடித்துள்ளது.

10 ஆண்டுகால இடது ஜனநாயக முன்னணி ஆட்சிக்கு முற்றுப்புள்ளி வைக்கப்பட்டுள்ளது. 2016 முதல் ஆட்சியில் இருந்த பினராயி விஜயன் தனது சொந்தத் தொகுதியான தர்மடத்தில் வெற்றி பெற்றாலும், அவரது கட்சி பெரும் தோல்வியைச் சந்தித்தது. மும்முனைப் போட்டி நிலவிய இந்தத் தேர்தலில், காங்கிரஸ் தலைமையிலான கூட்டணி வலுவான எழுச்சியைப் பெற்றது.

இதையும் படிங்க: இது என்ன மாதிரியான ரவுடித்தனம்!! பாஜக மீது மம்தா குற்றச்சாட்டு!!

இந்தத் தோல்வி இண்டி கூட்டணியிலும் தாக்கத்தை ஏற்படுத்தும் என எதிர்பார்க்கப்படுகிறது. மேற்கு வங்காளத்தில் திரிணமூல் காங்கிரஸ் (மம்தா பானர்ஜி) மற்றும் தமிழகத்தில் தி.மு.க. (மு.க.ஸ்டாலின்) ஆகிய இரு கட்சிகளும் இந்தத் தேர்தல் சுழற்சியில் பெரும் தோல்வியைச் சந்தித்துள்ளன. இதனால் இடதுசாரி கட்சிகளின் செல்வாக்கு மேலும் குறையும் என அரசியல் விமர்சகர்கள் கருதுகின்றனர்.

சுவாரஸ்யமாக, ஓட்டு எண்ணிக்கைக்கு முன்பே காங்கிரஸ் எம்பி சசி தரூர், “நாட்டின் எந்தப் பகுதியிலும் கம்யூனிஸ்ட் ஆட்சி இருக்காது” என முன்கூட்டியே கணித்திருந்தார். அவரது கணிப்பு இப்போது உண்மையாகியுள்ளது.

கேரள மக்கள் 10 ஆண்டுகால இடது ஆட்சிக்கு மாற்றத்தை விரும்பியதாகத் தெரிகிறது. இந்த முடிவு இந்திய அரசியலில் இடதுசாரி சக்திகளின் எதிர்காலம் குறித்த பெரும் விவாதத்தை ஏற்படுத்தியுள்ளது. கம்யூனிஸ்ட் கட்சிகளுக்கு இது ஒரு பெரிய எச்சரிக்கையாக அமைந்துள்ளது.

இதையும் படிங்க: ஸ்டாலின் தோற்றது 'அண்ணா'வே தோற்றது போல் இருக்கிறது..!! உருக்கமாக பேசிய வைகோ..!!