தாராபுரம் இடைத்தேர்தல் வாக்குப்பதிவு நடைபெற்று வரும் நிலையில், திமுக வேட்பாளர் சுகன்யா முதல் ஆளாக தனது வாக்கினை பதிவு செய்தார். வாக்குச்சாவடியை ஆய்வு செய்த அவர், தொடர்ந்து செய்தியாளர்களைச் சந்தித்த போது. வாக்குச்சாவடிகளில் பாதுகாப்பு ஏற்பாடுகள் குறித்து கேட்கப்பட்டது. அதற்கு, “பாதுகாப்பு நன்றாக இருக்கிறது. அனைத்து வாக்குச்சாவடிகளையும் நேரில் பார்த்துவிட்டோம். அனைத்து ஏற்பாடுகளும் சரியாக செய்யப்பட்டுள்ளன” என்றார்.

ஐந்து முனைப் போட்டி திமுகவுக்கு பெரிய சவாலாக இருக்குமா என்று கேள்வி, “இல்லை. வெற்றி நிச்சயம் திராவிட முன்னேற்றக் கழகத்துக்குத்தான்” என்றார். 

வெற்றிக்கு அடிப்படைக் காரணமாக எதைப் பார்க்கிறீர்கள் என்ற கேள்விக்கு, “மக்களுடைய எதிர்பார்ப்புதான். ஏற்கனவே கடந்த மூன்று மாதங்களாக நடைபெற்றுவரும் ஏமாற்றம்தான் மக்களுடைய மாற்றமாக இருக்கும்” என்று கூறினார்.

இதையும் படிங்க: "காமாட்சி விளக்கும், புடவையும்"..! தூய சக்தியின் தூய அரசியலை பாருங்க..! செந்தில் பாலாஜி விளாசல்.!!

திமுக தலைவர்களின் பிரசாரம் எந்த அளவுக்கு தேர்தலில் வலு சேர்த்துள்ளது என்று கேட்டபோது, “பயங்கரமாகப் பிரசாரம் செய்திருக்கிறார்கள். பல்வேறு மாவட்டங்களில் இருந்து பொறுப்பாளர்கள் வந்து, முழு அளவில் எவ்வளவு தூரம் கடுமையாக உழைக்க முடியுமோ, அந்த அளவுக்கு உழைத்திருக்கிறார்கள். வெற்றி எங்களுக்கு நிச்சயம்” என்று தெரிவித்தார்.

திமுகவுக்கு சாதகமான அம்சங்கள் என்ன என்று கேட்டபோது, “எல்லா அம்சங்களுமே சாதகமாக இருக்கின்றன. அவர்கள் கடந்த மூன்று மாத காலமாக எதுவுமே செய்யவில்லை. 2021-ல் நாங்கள் அறிவித்த 100 நாள் திட்டங்களையும், இப்போது அவர்கள் வைத்திருக்கும் 100 நாள் திட்டங்களையும் பாருங்கள். எதுவுமே வகுக்கப்படவில்லை. சிறப்பான ஆட்சி வேண்டும், திராவிட மாடல் ஆட்சி மீண்டும் வர வேண்டும் என்ற எதிர்பார்ப்பு மக்களிடையே வந்துவிட்டது” என்றார்.

ஏற்கனவே எம்எல்ஏ பதவியை ராஜினாமா செய்துவிட்டு, தற்போது தவெக வேட்பாளராக போட்டியிடும் சத்தியபாமாவுக்கு எந்த அளவுக்கு வரவேற்பு உள்ளது என்று கேட்டபோது, “அதை ஏற்கனவே நீங்களே சமூக வலைதளங்களில் பார்த்திருப்பீர்கள். எல்லா பக்கமும் அவரை புறக்கணித்துக்கொண்டுதான் இருக்கிறார்கள்” என்று விமர்சித்தார்.

மேலும், முதலமைச்சர் மு.க.ஸ்டாலின் அதிக அளவில் செலவு செய்து பிரசாரம் செய்திருப்பது குறித்த கேள்விக்கு, “அதுவே எங்களுக்கு மிகப்பெரிய வெற்றிதானே. எங்கள் தலைவர் வந்திருக்கிறார். அண்ணன் உதயநிதி வந்திருக்கிறார். அவர்களும் வந்திருக்கிறார்கள். அவர்களுக்கு உண்மையில் ரோடு ஷோ மட்டும்தான். நிறுத்திப் பேசும் அளவுக்கு ஒரு பயத்தை ஏற்படுத்தியிருக்கிறது. அது எங்களுக்கு மிகப்பெரிய வெற்றி” என்று தெரிவித்தார்.

இதையும் படிங்க: குறைந்த விலைக்கு துவரம் பருப்பு கொள்முதல்... திமுகவே காரணம்... அடித்துச் சொல்லும் உதயநிதி..!!