தமிழக சட்டமன்ற தேர்தல் 2026 நெருங்கி வரும் நிலையில், திமுக – காங்கிரஸ் கூட்டணி தொடருமா? அல்லது காங்கிரஸ் தவெகவுடன் கூட்டணி சேருமா? என்ற கேள்வி அரசியல் வட்டாரங்களில் பெரும் விவாதத்தை ஏற்படுத்தியுள்ளது. இந்நிலையில், இரு சூழ்நிலைகளிலும் ஏற்படும் சாதக – பாதக அம்சங்கள் குறித்து உளவுத்துறை முதலமைச்சர் மு.க. ஸ்டாலினுக்கு ரகசிய அறிக்கை அனுப்பியுள்ளது.

திமுக மேலிடத்திற்கு உளவுத்துறை அனுப்பிய அறிக்கையில், திமுக – காங்கிரஸ் கூட்டணி தொடர்ந்தால் காங்கிரஸ் இரட்டை இலக்கத்தில் (10+ தொகுதிகள்) வெற்றி பெற வாய்ப்பு உள்ளது. திமுகவும் குறைந்த எண்ணிக்கையில் பெரும்பான்மை பெற்று ஆட்சி அமைக்கும் என்று தெரிவிக்கப்பட்டுள்ளது. காங்கிரஸ் தலைவர்களான செல்வப்பெருந்தகை, ப.சிதம்பரம், திருநாவுக்கரசர், சசிகாந்த் செந்தில் போன்றோர் திமுக கூட்டணியில் நீடிக்க வேண்டும் என வலியுறுத்தி வருகின்றனர்.

ஆனால் தவெக – காங்கிரஸ் கூட்டணி அமைந்தால் நிலைமை வேறு. காங்கிரஸ் ஒன்றிரண்டு தொகுதிகளில் மட்டுமே வெல்ல வாய்ப்பு உள்ளது. தொங்கு சட்டசபை ஏற்பட்டால் ஆட்சியில் பங்கு கிடைக்கலாம்.

இதையும் படிங்க: எவ்வளவு விமர்சனம் வச்சாலும் நாங்கதான் ஜெயிப்போம்! விஜய் சொன்ன திமுக குறள்!! அன்பில் மகேஷ் விளக்கம்!

மேலும், தவெக தனித்து போட்டியிட்டால் சென்னை, வட மண்டலம், டெல்டா பகுதிகளில் ஆதிதிராவிடர் மற்றும் கிறிஸ்தவ வாக்குகள் பெருமளவு தவெகவுக்கு திரும்ப வாய்ப்பு உள்ளது. இதனால் திமுக – கூட்டணிக்கு கடந்த 3 தேர்தல்களில் கிடைத்த வாக்குகளில் ஓட்டை விழும் அபாயம் உள்ளது.

தென் மாவட்டங்களில் மீனவர், கிறிஸ்தவர், ஆதிதிராவிடர் பகுதிகளிலும் தவெகவால் திமுக வெற்றிக்கு பாதிப்பு ஏற்படலாம். மேற்கு மண்டலத்தில் தவெக வாக்குகளை பிரிப்பதால் அதிமுக – பாஜக கூட்டணிக்கு சாதகமாக அமையும் என்று உளவுத்துறை எச்சரித்துள்ளது.

தற்போது காங்கிரஸ் ஐவர் குழுவினர் தொகுதி பங்கீடு குறித்து 2 மாதங்களுக்கும் மேலாக ஸ்டாலினுடன் பேச்சு நடத்தி வருகின்றனர். திமுக தொகுதி பங்கீடு குழு அமைக்காமல் தாமதப்படுத்தியதால் காங்கிரஸ் தரப்பில் அதிருப்தி நிலவுகிறது. கிரிஷ் சோடங்கரை நீக்கினால் மட்டுமே பேச்சு நடத்துவோம் என்ற திமுக கோரிக்கையை ராகுல் நிராகரித்துள்ளார். இந்நிலையில் திமுக விரைவில் குழு அமைத்து 22ஆம் தேதி பேச்சு தொடங்கும் என்று அறிவித்துள்ளது.

உளவுத்துறை அறிக்கை தெளிவாக கூறுவது ஒன்று – காங்கிரஸை கூட்டணிக்குள் வைத்துக்கொள்ள வேண்டும். தவெக – காங்கிரஸ் கூட்டணி திமுகவுக்கு பெரும் அச்சுறுத்தலாக அமையும் என்று எச்சரிக்கை விடுக்கப்பட்டுள்ளது. இந்த ரிப்போர்ட் திமுக உயர்மட்டத்தில் பெரும் விவாதத்தை ஏற்படுத்தியுள்ளது. 

இதையும் படிங்க: வேளச்சேரியில் பறக்கும் விசில் சப்தம்! விஜய் குஷி!! மு.க.ஸ்டாலின், எடப்பாடிக்கு ஷாக்!