அனைத்திந்திய அண்ணா திராவிட முன்னேற்றக் கழகத்தின் 55ஆம் ஆண்டு தொடக்க நாளை முன்னிட்டு தமிழ்நாடு முழுவதும் பொதுக்கூட்டங்கள் நடைபெறும் என கட்சியின் பொதுச் செயலாளர் எடப்பாடி கே. பழனிசாமி அறிவித்துள்ளார். அக்டோபர் 17, 22 மற்றும் 23 ஆகிய தேதிகளில் மாநிலம் முழுவதும் இந்தக் கூட்டங்கள் அமைக்கப்பட்டுள்ளன. கழக நிறுவனத் தலைவர் எம்.ஜி.ஆரால் தோற்றுவிக்கப்பட்டு, ஜெயலலிதாவால் வளர்க்கப்பட்ட இயக்கத்தின் இந்த முக்கிய நிகழ்வை சிறப்பாகக் கொண்டாட கட்சித் தொண்டர்கள் மற்றும் நிர்வாகிகள் தயாராகி வருகின்றனர்.

இந்த ஆண்டு தொடக்க விழாவை ஒட்டி கழக அமைப்புகள் செயல்படும் அனைத்து மாவட்டங்களிலும் பொதுக்கூட்டங்கள் நடைபெறும். கட்சியின் கொள்கைகளை மக்களிடம் கொண்டு சேர்ப்பதும், எம்.ஜி.ஆர். மற்றும் ஜெயலலிதாவின் கொள்கைகளை நினைவுகூர்வதும் இந்தக் கூட்டங்களின் முக்கிய நோக்கமாக அமைந்துள்ளது. மாவட்டச் செயலாளர்கள் தங்கள் பகுதிகளில் நிகழ்ச்சிகளை ஒருங்கிணைத்து, சிறப்புப் பேச்சாளர்களுடன் இணைந்து நிகழ்ச்சிகளை சிறப்பாக நடத்த அறிவுறுத்தப்பட்டுள்ளனர்.

ஏழை எளியோருக்கு அன்னதானம் வழங்குதல், நலத்திட்ட உதவிகள் வழங்குதல் உள்ளிட்ட நடவடிக்கைகளும் இந்த விழாவையொட்டி மேற்கொள்ளப்படும் என எதிர்பார்க்கப்படுகிறது.செங்கல்பட்டு மாவட்டத்தில் நடைபெறும் பொதுக்கூட்டத்தில் அதிமுக பொதுச் செயலாளர் எடப்பாடி பழனிசாமி நேரடியாகப் பங்கேற்க உள்ளார்.

இதையும் படிங்க: மைனாரிட்டி ஆட்சி... சீரழியும் சட்டம் ஒழுங்கு..! முதல்வர் விஜயை விமர்சித்த எடப்பாடி பழனிச்சாமி..!!

இந்தக் கூட்டத்தில் முன்னாள் அமைச்சர்கள் தங்கமணி, கே.பி. அன்பழகன் ஆகியோரும் கலந்துகொள்ள உள்ளனர். அதேபோல் எஸ்.பி. வேலுமணி, நத்தம் விஸ்வநாதன் உள்ளிட்ட மூத்த நிர்வாகிகளின் பெயர்களும் பட்டியலில் இடம்பெற்றுள்ளன. இவர்கள் அனைவரும் கூட்டத்தில் உரையாற்றி கட்சியின் எதிர்காலத் திட்டங்களையும், மக்கள் நலன் தொடர்பான பிரச்சினைகளையும் விளக்க உள்ளனர்.

இதையும் படிங்க: "பாசிசம்... பாயாசம்-ன்னு ரைய்மிங்"..! செவிலியர்களை அடக்குவது அக்கிரமம்... EPS எதிர்ப்பு..!!