2026 சட்டமன்ற தேர்தலில் தமிழக வெற்றிக் கழகம். தனி பெரும்பான்மையில் வெற்றி பெறாத காரணத்தினால ஆட்சி அமைப்பதற்கு இன்னும் குழப்பம் நீடித்து வருகிறது பெரும்பான்மையை நிரூபிக்க திமுக கூட்டணி கட்சிகளான காங்கிரஸ், இடதுசாரிகள் மற்றும் விடுதலை சிறுத்தைகள் கட்சியிடம் ஆதரவு கோறியிருந்தனர். ஆனால் காங்கிரஸ் மட்டுமே ஆதரவு தெரிவித்திருக்கக்கூடிய நிலையில், இன்னும் விடுதலை சிறுத்தைகள் மற்றும் கம்யூனிஸ்ட் கட்சிகள் தங்களுடைய முடிவை தெரிவிக்காமல் இருக்கிறார்கள். 

தற்போது தவெகவிற்கு 5 காங்கிரஸ் எம்எல்ஏக்கள் சேர்ந்துள்ளனர். இருப்பினும் இன்னும் மெஜாரிட்டிக்கு இன்னும் 5 எம்எல்ஏக்கள் தேவையானதாக உள்ளது. இதனால் தான் விஜய் முதல்வராக பதவியேற்பது தள்ளிப்போகிறது. ஆளுநர் ராஜேந்திர விஸ்வநாத் அர்லேகர் மெஜாரிட்டி காட்டினால் தான் பதவியேற்க அழைககப்படும் என்று உறுதியாக கூறிவிட்டார்.

இதனால் விஜய் ஆட்சி அமைப்பதில் சிக்கல் நீடித்து வருகிறது. இதனை தங்களுக்கு சாதகமாக மாற்றி ஆட்சி அமைக்க திமுகவும், அதிமுகவும் முயன்று வருவதாக தகவல்கள் வெளியாகி வருகின்றன. இதற்காக முதலில் காய் நகர்த்தியுள்ள அதிமுக, திமுக உயர் மட்ட நிர்வாகிகளிடம் தங்களது ஆதரவு அளிக்கும் படி கேட்டுக்கொண்டதாக தகவல்கள் வெளியாகியுள்ளன. 

இதையும் படிங்க: இன்னும் அவர் கெட்ட வார்த்தைல தான் திட்டல..! " பால்டாயில் பழனிச்சாமி"..! கிண்டலடித்த உதயநிதி..!!

திமுகவும், அதிமுகவும் இணைந்து ஆட்சியை கைப்பற்ற திட்டமிட்டுள்ளதாகவும், அப்படி ஆட்சி அமைக்கும் பட்சத்தில் எடப்பாடி பழனிசாமி முதலமைச்சராக வாய்ப்புள்ளதாகவும் கூறப்படுகிறது. மறுபுறம் திமுக, அதிமுக இணைந்து ஆட்சி அமைத்தால் மு.க.ஸ்டாலின் இரண்டறை ஆண்டுகளுக்கும், எடப்பாடி பழனிசாமி இரண்டறை ஆண்டுகளுக்கும் முதலமைச்சராக இருப்பார்கள் எனக்கூறப்படுகிறது. 

இதற்கு எல்லாம் சிகரம் வைத்தது போல், உதயநிதி ஸ்டாலினுக்கு அதிமுக பொதுச்செயலாளர் எடப்பாடி பழனிசாமி போன் செய்து ஆட்சி அமைக்க தங்களுக்கு ஆதரவு தரும் படி கேட்டுக்கொண்டதாக தகவல்கள் வெளியாகியுள்ளன. வாக்கு எண்ணிக்கை நடந்தே அன்றே தொங்கும் சட்டப்பேரவை தான் அமையும் என கணித்த எடப்பாடி பழனிசாமி, தவெக தற்போது திணறி வரும் நிலையில் சூழ்நிலையை தனக்கு சாதகமாக மாற்ற முயற்சித்து வருவதாக கூறப்படுகிறது. 

திமுக கூட்டணியில் உள்ள இடதுசாரிகள் மற்றும் விசிக தலைவர்கள் விஜய்க்கு ஆதரவாக அறிக்கை வெளியிட்டாலும், அவர்கள் நேரில் வந்து ஆதரவு கடிதம் கொடுக்கத் தயங்குவது விஜய்யை நிலைகுலையச் செய்துள்ளது. கூட்டணிக்கு வரமாட்டோம் என கட்சிகள் அடம்பிடிப்பது அடுத்தடுத்து விஜயின் நம்பிக்கையை சீர்குலைத்து வருவதாக கூறப்படுகிறது. 

இதையும் படிங்க: அடுத்தடுத்த அதிரடி திருப்பங்கள்..! எடப்பாடியின் அடுத்த மூவ்..! அதிமுக எம்எல்ஏக்களை சந்திக்கப் புறப்பட்ட EPS..!