2024 லோக்சபா தேர்தல் முடிஞ்சு ஒரு வருஷத்துக்கு மேல ஆகியிருக்குற நிலையில், காங்கிரஸ் எம்பி ராகுல் காந்தி, “தேர்தலில் வாக்கு திருட்டு நடந்துச்சு, பாஜகவும் தேர்தல் ஆணையமும் சேர்ந்து முறைகேடு பண்ணாங்க”னு குற்றம்சாட்டி வர்றார். 

கர்நாடகாவின் மஹாதேவபுரா தொகுதியில் 1 லட்சத்துக்கும் மேற்பட்ட போலி வாக்குகள் சேர்க்கப்பட்டதா ஆதாரங்களை வெளியிட்டு, “இது இந்திய அரசியலமைப்புக்கு எதிரான குற்றம்”னு பேசி வர்றார். ஆனா, தேர்தல் ஆணையம், “எந்த முறைகேடும் நடக்கலை, ராகுல் ஆதாரத்தை உறுதியோட சமர்ப்பிக்கணும்”னு சொல்லுது. ஆனாலும், ராகுல் தன்னோட குற்றச்சாட்டில் விடாப்பிடியா இருக்கார்.

இதுக்கு மத்தியில், ராகுல் சொல்லிய ஒரு உதாரணம் அவருக்கே திருப்பி அடியா விழுந்திருக்கு. மஹாதேவபுராவில் 70 வயசுக்கு மேலான ஷகும் ராணி என்பவர் இரண்டு இடங்களில் வாக்கு போட்டதா ராகுல் குற்றம்சாட்டினார். ஆனா, ஷகும் ராணி, “எனக்கு ஒரு இடத்துல வாக்கு போடவே கஷ்டம், எப்படி இரண்டு இடத்துல போட முடியும்?”னு கேள்வி எழுப்பி, ராகுலோட குற்றச்சாட்டை தவிடு பொடியாக்கியிருக்கார்.

இதையும் படிங்க: இந்தியராகும் முன்பே வாக்காளர் ஆனது எப்படி? சோனியா காந்தியை டார்கெட் செய்யும் பாஜக!!

இந்த சூழல்ல, பாஜக இப்ப முந்தைய தேர்தல்களில் காங்கிரஸ் செய்ததாகக் கூறப்படும் முறைகேடுகளை அம்பலப்படுத்தி, காங்கிரசுக்கு பதிலடி கொடுக்குது. பாஜக மூத்த எம்பி அனுராக் தாக்கூர், ராகுல் காந்தி, பிரியங்கா காந்தி, தமிழக முதல்வர் மு.க.ஸ்டாலின், சமாஜ்வாதி கட்சியின் அகிலேஷ் யாதவ், டிம்பிள் யாதவ், திரிணமுல் காங்கிரஸின் அபிஷேக் பானர்ஜி ஆகியோரோட தொகுதிகளில் ஆயிரக்கணக்கான போலி வாக்காளர்கள் இருப்பதா குற்றம்சாட்டியிருக்கார். இதனால, இவங்க வெற்றி பெற்றதிலேயே சந்தேகம் இருக்குனு பாஜக கூறுது.

அனுராக் தாக்கூர் கொடுத்த விவரப்படி, பிரியங்காவின் வயநாடு தொகுதியில் 93,499 சந்தேகத்துக்குரிய வாக்காளர்கள் இருக்காங்க. இதுல 20,438 பேர் போலி வாக்காளர்கள், 17,450 பேர் போலி முகவரி கொடுத்தவங்க. ராகுல் வெற்றி பெற்ற ரேபரேலியில் 19,512 போலி வாக்காளர்கள், 71,977 பேர் போலி முகவரி உள்ளவங்க, 52,000 பேர் போலி பிறப்பு சான்றிதழ் மூலம் வாக்காளர்களா சேர்க்கப்பட்டவங்க. 

ஸ்டாலினோட கொளத்தூர் தொகுதியில் 20,000 சந்தேகத்துக்குரிய வாக்காளர்கள் இருக்காங்க. இதேபோல, அகிலேஷ், டிம்பிள், அபிஷேக் பானர்ஜி தொகுதிகளிலும் போலி வாக்காளர்கள், போலி முகவரிகள், உறவு முறைகளை மாற்றி காட்டுறது, வயசை மாற்றி சேர்க்குறது, கள்ளத்தனமா வாக்காளர் பட்டியலில் ஆட்களை சேர்க்குறதுனு முறைகேடுகள் நடந்திருக்குனு பாஜக குற்றம்சாட்டுது.

பாஜகவின் இந்த குற்றச்சாட்டு, ராகுல் உள்ளிட்ட எதிர்க்கட்சி தலைவர்களை குறி வைக்குது. “வாக்கு திருட்டு குற்றச்சாட்டு போடுற இவங்க, தங்கள் தொகுதிகளில் உள்ள போலி வாக்காளர்களை காப்பாத்தவே, வாக்காளர் பட்டியல் திருத்தத்தை எதிர்க்குறாங்க. இவங்க தங்கள் பதவிகளை ராஜினாமா செய்ய தயாரா?”னு அனுராக் தாக்கூர் கேள்வி எழுப்பியிருக்கார். இந்த விவகாரம், இந்திய தேர்தல் முறையின் நம்பகத்தன்மையை கேள்விக்குறியாக்கி, காங்கிரஸ்-பாஜக இடையே புது மோதலை உருவாக்கியிருக்கு.

இதையும் படிங்க: என் உயிருக்கு ஆபத்து!! பாதுகாப்பு கேட்டு ராகுல்காந்தி மனு!