மாதம்பட்டி ரங்கராஜ் தமிழ்நாட்டில் மிகவும் பிரபலமான சமையல் கலைஞர்களில் ஒருவர். கோவை மாவட்டத்தைச் சேர்ந்த இவர், மாதம்பட்டி தங்கவேலு ஹாஸ்பிடாலிட்டி பிரைவேட் லிமிடெட் என்ற நிறுவனத்தின் தலைமை நிர்வாக அதிகாரியாக உள்ளார். சினிமா மற்றும் அரசியல் பிரபலங்களின் வீட்டு விழாக்களில் தனது சமையல் கலையால் புகழ் பெற்றவர் ரங்கராஜ். 2019-ல் வெளியான மெஹந்தி சர்க்கஸ் திரைப்படத்தின் மூலம் நடிகராக அறிமுகமான இவர், பின்னர் பென்குயின் போன்ற படங்களிலும் நடித்தார். மேலும், விஜய் டிவியில் ஒளிபரப்பாகும் குக் வித் கோமாளி என்ற சமையல் நிகழ்ச்சியில் நடுவராகப் பணியாற்றி, மக்கள் மத்தியில் மேலும் பிரபலமடைந்தார்.

இந்தச் சூழலில், ஆடை வடிவமைப்பாளரான ஜாய் கிரிஸில்டா, மாதம்பட்டி ரங்கராஜை திருமணம் செய்து கொண்டதாக அறிவித்து, சமூக வலைதளங்களில் புகைப்படங்களைப் பகிர்ந்தார். இந்தப் புகைப்படங்களில், ரங்கராஜ் ஜாய்க்கு குங்குமம் இடுவது மற்றும் இருவரும் மாலை அணிந்திருப்பது போன்ற காட்சிகள் இடம்பெற்றிருந்தன. இந்தத் திருமணம் குறித்து மாதம்பட்டி ரங்கராஜ் எந்தவொரு அதிகாரபூர்வ அறிவிப்பையும் வெளியிடவில்லை. மேலும், அவருக்கு ஏற்கனவே ஸ்ருதி என்ற மனைவியும், இரண்டு குழந்தைகளும் உள்ளனர். 

இந்த விவகாரம் மேலும் தீவிரமடைந்தபோது, ஜாய் கிரிஸில்டா 2025 ஆகஸ்ட் 29 அன்று சென்னை காவல் ஆணையரகத்தில் மாதம்பட்டி ரங்கராஜ் மீது புகார் அளித்தார். அவரது புகாரில், ரங்கராஜ் தன்னை சென்னையில் உள்ள எம்.ஆர்.சி. நகர் கோவிலில் திருமணம் செய்து கொண்டதாகவும், கடந்த இரண்டு ஆண்டுகளாக ஒன்றாக வாழ்ந்து வந்ததாகவும் கூறினார். ஆனால், கடந்த இரண்டு மாதங்களாக ரங்கராஜ் தன்னுடன் தொடர்பை முற்றிலும் துண்டித்து விட்டதாகவும், தான் ஏழு மாத கர்ப்பிணியாக இருக்கும் நிலையில் அவரை சந்திக்க முயன்றபோது இரண்டு முறை தாக்கப்பட்டதாகவும் ஜாய் குற்றம் சாட்டினார். மேலும், ரங்கராஜ் தனது கருவை கலைக்குமாறு கூறியதாகவும், தன்னை ஏமாற்றி விட்டதாகவும் அவர் தனது புகாரில் தெரிவித்தார்.

இதையும் படிங்க: என்ன பத்தி அவதூறு பரப்புறாங்க! ஐகோர்ட்டில் மாதம்பட்டி ரங்கராஜ் வழக்கு

தனது புகார் மீது உரிய நடவடிக்கை எடுக்கவில்லை என்று கூறி தேசிய மகளிர் ஆணையத்தின் ஜாய் கிரிசில்டா புகார் அளித்திருந்தார். அதன் அடிப்படையில் மாதம்பட்டி ரங்கராஜுக்கு நேரில் ஆஜராகுமாறு அனுப்பப்பட்டிருந்தது. அதன்படி சில சேப்பாக்கத்தில் உள்ள தேசிய மகளிர் ஆணையத்தில் மாதப்பட்டி ரங்கராஜ் மற்றும் ஜாய் கிரிசில்டா ஆகியோர் விசாரணைக்காக ஆஜராகி உள்ளனர். அவர்களிடம் புகார் தொடர்பாக விசாரிக்கப்பட்டு வருகிறது.

இதையும் படிங்க: ஏமாத்திட்டாரு! ஜாய் கிரிசில்டா கொடுத்த புகார்.. மாதம்பட்டி ரங்கராஜுக்கு சம்மன்...!