தமிழக பாஜகவில் பெரும் அதிரடி மாற்றங்கள் அரங்கேறி வருகின்றன. சென்னையில் இன்று நடைபெற்ற ஆர்.எஸ்.எஸ் மற்றும் பாஜக உயர்மட்ட நிர்வாகிகள் கூட்டத்தில், கட்சியின் அமைப்பு செயலாளர் கேசவ விநாயகம் அதிரடியாக மாற்றப்பட்டுள்ளார்.

அண்ணாமலை தரப்பு அளித்த புகார்களின் அடிப்படையில் இந்த நடவடிக்கை எடுக்கப்பட்டுள்ளதாகத் தெரிகிறது. கட்சியின் உள்கட்டமைப்பு மற்றும் தேர்தல் வியூகம் குறித்து இந்த ஆலோசனை கூட்டத்தில் நான்கு மிக முக்கியமான முடிவுகள் எட்டப்பட்டுள்ளன.

 நீண்டகாலமாக தமிழக பாஜகவின் அமைப்பு செயலாளராக இருந்த கேசவ விநாயகம் அந்தப் பொறுப்பிலிருந்து விடுவிக்கப்பட்டுள்ளார். அவர் மீண்டும் RSS பணிக்கே திரும்ப அனுப்பப்பட உள்ளார்.

இதையும் படிங்க: அதிக தொகுதிகளில் பாஜக... போட்டி பலமா இருக்கும்..! கட்சி நிர்வாகிகளுக்கு பி.எல். சந்தோஷ் அறிவுரை..!

தேர்தல் முடியும் வரை அமைப்பு செயலாளர் பொறுப்பை ஒரு தனி நபரிடம் ஒப்படைக்காமல், ஒரு குழுவின் கீழ் 'கூட்டுத் தலைமையாக' கொண்டு வரத் திட்டமிடப்பட்டுள்ளது.

வரும் சட்டமன்றத் தேர்தலில் பாஜக வேட்பாளர் பட்டியலில் பழைய முகங்களை தவிர்த்துவிட்டு, அதிகளவில் புதுமுகங்களுக்கு வாய்ப்பளிக்க வேண்டும் என ஆர்.எஸ்.எஸ் திட்டவட்டமாகக் கூறியுள்ளது.

 தமிழகத்தில் அதிமுக தலைமையில் ஆட்சி மாற்றம் ஏற்படுவது அதிமுக-வை விட தங்களுக்குத்தான் மிக முக்கியமானது என ஆர்.எஸ்.எஸ் பொறுப்பாளர்கள் தெரிவித்துள்ளனர்.

இதையும் படிங்க: வெற்று வாக்குறுதியால் வஞ்சிக்கும் திமுக... ஏமாற்றமே உங்களுக்கு GIFT..! நயினார் கண்டனம்..!