தமிழக அரசியல் களத்தில் புதிய அலை எனும் நிலையில், விஜய் தலைமையிலான தமிழக வெற்றிக் கழகம் (TVK) தனது முதல் மாநிலளாவிய அரசியல் சுற்றுப் பயணத்தை திருச்சியில் தொடங்கியது. 2026 சட்டமன்றத் தேர்தலுக்கு முன் மக்களுடன் நேரடியாக இணைந்து கொள்ளும் இந்தப் பயணம், டெல்டா பகுதியில் தொடங்கி, கொங்கு, தென்தமிழ், வடதமிழ் பகுதிகளைத் தொடும் என்று கூறப்படுகிறது.

முதலில் திருச்சி காந்தி சந்தை அருகே தொடங்கிய பயணத்தில், ஆயிரக்கணக்கான ரசிகர்கள் மற்றும் கட்சி தொண்டர்கள் திரண்டனர். விஜய், "உங்கள் விஜய் வருகிறார்" என அறிவித்திருந்தது போல், கூட்டம் ஆரவாரமாக வரவேற்றது. திருச்சி, அரியாலூர் மாவட்டங்களில் நடந்த பொதுக்கூட்டங்களில், அவர் மக்கள் பிரச்சினைகளை நேரில் கேட்டு, TVK-வின் கொள்கைகளை விளக்கினார். இந்த நிலையில், 2-வது வாரமாக பிரசாரத்தை தொடங்கியுள்ள விஜய் இன்று நாகை, திருவாரூர் மாவட்டங்களில் சுற்றுப்பயணம் மேற்கொண்டார்.

இதையும் படிங்க: ஆட்சியில் பங்கு கேட்ட காங்கிரஸ்... கே.எஸ்.அழகிரிக்கு பதிலடி கொடுத்த திமுக அமைச்சர்...!

விஜய் தனது பேச்சின்போது, மத்தியில் ஆளும் பாஜகவையும், தமிழகத்தில் ஆளும் திமுகவையும் கடுமையாக விமர்சித்து வருகிறார். மேலும், சட்டசபை தேர்தலில் திமுகவிற்கும், தவெகவிற்கும் இடையேதான் போட்டி என்று கூறுவதுடன், முதலமைச்சர் மு.க.ஸ்டாலினையும் கடுமையாக விமர்சித்து வருகிறார்.

இந்நிலையில் நடிகரும் தவெக தலைவருமான விஜயை விமர்சிக்க தடை தமிழக அரசின் அமைச்சர்களுக்கு தடை விதிக்கப்பட்டுள்ளது. இந்த செய்தி அரசியல் வட்டங்களில் பெரும் பரபரப்பை ஏற்படுத்தியுள்ளது. முதலமைச்சர் மு.க. ஸ்டாலின் தலைமையிலான திமுக அரசின் இந்தத் திடீர் உத்தரவு, 2026 சட்டமன்றத் தேர்தலுக்கு முன் விஜயின் தவெக-வின் உயர்வுக்கு எதிரான உத்தியாகக் கருதப்படுகிறது. அரசியல் அனாலிஸ்ட்கள் இதை 'விமர்சத் தடை உத்தி' என்று அழைத்து வருகின்றனர்.

மதுரையில் நடைபெற்ற தவெகவின் இரண்டாவது மாநில மாநாட்டில் விஜய், முதலமைச்சர் ஸ்டாலினை 'அங்கிள்' என்று அழைத்து, NEET தேர்வு, குடியுரிமை திருத்தச் சட்டம், பாஜகவுடனான கூட்டணி உள்ளிட்ட பல்வேறு விவகாரங்களில் கடுமையாக விமர்சித்தார். இதற்குப் பதிலடியாக, அமைச்சர் கே.என்.நேரு, "விஜய் தாழ்ந்த அரசியல் நடத்தை காட்டியுள்ளார்" என்று கூறி, அவரது பேச்சை 'ஒரு நாள் திரைப்படம்' என்று சாடினார். அதேபோல், பள்ளி கல்வித்துறை அமைச்சர் அன்பில் மகேஷ், NEET தொடர்பான விஜயின் குற்றச்சாட்டுகளை 'தவறான வாக்குறுதிகள்' என்று மறுத்தார். பாஜக மாநில முன்னாள் தலைவர் அண்ணாமலை உள்ளிட்ட எதிர்க்கட்சி தலைவர்களும் விஜயை 'வீட்டிலிருந்து அரசியல் செய்பவர்' என்று விமர்சித்தனர்.

இந்நிலையில், திமுக தலைமை "அமைச்சர்கள் விஜய் தொடர்பான கருத்துகளைத் தவிர்க்க வேண்டும். அது கட்சியின் ஒற்றுமைக்கு தீங்கு விளைவிக்கும்" என்று உத்தரவிட்டதாக தகவல்கள் தெரிவிக்கின்றன. இனி விஜயை விமர்சித்து அமைச்சர்கள் யாரும் பதில் கூற வேண்டாம். எல்லாவற்றையும் கட்சித் தலைமை பார்த்துக்கொள்ளும். ஏதாவது, விஜய் கருத்துக்கு பதில் அளிக்கும் நிலை ஏற்பட்டால், கட்சித் தலைமையில் இருந்தே அது வெளிவரும். அமைச்சர்கள் அனைவரும் திமுக அரசின் 4 ஆண்டு சாதனை திட்டங்களை மக்களிடம் எடுத்துச் சென்று கூறினால் போதும் என்று தெரிவித்துவிட்டதாக கூறப்படுகிறது. இதனால் அதிர்ச்சியில் உள்ள அமைச்சர்கள், தற்போது யாரும் விஜய் குறித்து கருத்து தெரிவிப்பது இல்லை.

இந்தத் தடை, திமுகவின் உள் ஒற்றுமையைப் பாதுகாக்கும் உத்தியாக இருந்தாலும், விஜயின் தவெகவுக்கு மாபெரும் ஆதரவை அளிக்கலாம் என அரசியல் விமர்சகர்கள் கூறுகின்றனர். 2026 தேர்தலில் தவெக 100 தொகுதிகளில் போட்டியிடும் என அறிவித்துள்ளது. NEET-ஐ தடை செய்ய வேண்டும், கிராம மாணவர்களுக்கு நீதி வேண்டும் என விஜய் வலியுறுத்தி வருகிறார்.

இத்தடை, தமிழக அரசியலில் புதிய அத்தியாயத்தைத் தொடங்கியுள்ளது. விஜயின் பிரபலம், அரசின் பயத்தை உறுதிப்படுத்துகிறதா? அல்லது திமுகவின் உள்நிலைப் பலவீனமா? - இது இன்னும் தெரியாது. ஆனால், இது 2026 தேர்தலை இன்னும் சூடாக்கும் என்பது உறுதி.

இதையும் படிங்க: கண்ணீர் விட்டு காரியத்தை சாதித்த துரை வைகோ... திமுக சதி வலையில் இருந்து தப்பிய மதிமுக...!