தமிழக சட்டமன்ற தேர்தலில் தவெக தனிப்பெரும் கட்சியாக 108 தொகுதிகளைக் கைப்பற்றியது. இருப்பினும் பெரும்பான்மைக்குத் தேவையான 118 தொகுதிகள் இல்லாததால், தமிழக பொறுப்பு ஆளுநர் அர்லேகர் ஆட்சி அமைக்க அழைப்புவிடுக்கவில்லை. இதனால் திமுகவின் கூட்டணி கட்சிகளான காங்கிரஸ், கம்யூனிஸ்ட், விசிக மற்றும் இந்திய யூனியன் முஸ்லீம் லீக் ஆகிய கட்சிகளுடன் இணைந்து 120 எம்.எல்.ஏ.க்களுடன் ஆட்சியைப் பிடித்தது. 

அதனைத் தொடர்ந்து இருதினங்களுக்கு முன்பு சட்டப்பேரவையில் நடந்த நம்பிக்கை வாக்கெடுப்பிலும் பெரும்பான்மையை நிரூபித்தது. 50 ஆண்டுகால தமிழக அரசியல் வரலாற்றிலேயே முதல் முறையாக திமுக, அதிமுக என இரண்டு திராவிட கட்சிகளும் இல்லாத ஆட்சியை தவெக அமைத்துள்ளது. இதனால் 59 இடங்களை மட்டும் தனியாக கைப்பற்றிய திமுக எதிர்க்கட்சியாக அமர்ந்துள்ளது. நம்பிக்கை வாக்கெடுப்பு அன்றே எதிர்க்கட்சித் தலைவரான உதயநிதி ஸ்டாலின், தவெக சிறுபான்மை அரசு என விமர்சித்திருந்தார். இதற்கு முதலமைச்சர் விஜயும் நேரடியாக பதிலடி கொடுத்திருந்தார். 

இதனிடையே, தேர்தல் தோல்வி குறித்து ஆலோசிக்க திமுக மாவட்ட செயலாளர்கள் கூட்டம் சென்னை அண்ணா அறிவாலயத்தில் நடைபெற்றது. இந்தக் கூட்டத்தில் பேசிய திமுக தலைவர் ஸ்டாலின், இந்த ஆட்சி எப்போது வேண்டுமானாலும் கவிழலாம். எனவே மறுதேர்தலில் திமுக வெற்றி பெற வாய்ப்புள்ளது. நம்பிக்கையோடு பணியாற்றுங்க.. இந்த தேர்தலை நினைத்து யாரும் வருத்தப்பட வேண்டாம்.. 2029 நாடாளுமன்ற தேர்தல் வரும் போது சட்டமன்ற தேர்தலும் வர வாய்ப்புள்ளது. அதற்கு திட்டமிட்டு, உழைப்போம் என பேசியுள்ளதாக கூறப்படுகிறது. 

இதையும் படிங்க: காங்கிரஸில் 5 அமைச்சர்கள்..? சிரிப்புடன் சிக்னல் கொடுத்த கார்த்தி சிதம்பரம்..!!

தமிழக வெற்றிக் கழகம் ஆட்சி அமைக்க திமுக கூட்டணி கட்சிகளே ஆதரவு அளித்து இருப்பதாக உதயநிதி ஸ்டாலின் உள்ளிட்டோர் தொடர்ந்து கூறி வரும் நிலையில், முன்னாள் முதல்வர் ஸ்டாலினின் இந்த பேச்சு அரசியல் வட்டாரத்தில் பரபரப்பை ஏற்படுத்தியுள்ளது.

இதையும் படிங்க: தமிழ்நாட்டின் முதல்வர் ஆனதற்கு வாழ்த்து..! ஸ்டாலின், EPS- க்கு முதலமைச்சர் விஜய் நன்றி..!