தமிழகச் சட்டமன்றத் தேர்தல் வாக்குப் பதிவு நிறைவடைந்துள்ள சூழலில், வரும் மே 4-ஆம் தேதி நடைபெறவுள்ள வாக்கு எண்ணிக்கை குறித்துப் பாட்டாளி மக்கள் கட்சியின் தலைவர் அன்புமணி ராமதாஸ் எம்.பி. தனது கட்சி மற்றும் கூட்டணிக் கட்சி முகவர்களுக்கு மிக முக்கியமான அறிவுறுத்தல்களை வழங்கியுள்ளார்.

தேர்தல் நடைமுறைகளை மூன்று கட்டங்களாகப் பிரித்து விளக்கியுள்ள அன்புமணி ராமதாஸ், இதில் கடைசி கட்டமே வெற்றியின் தீர்மானிக்கும் காரணியாக இருக்கும் என்று குறிப்பிட்டுள்ளார்.

தேர்தல் பரப்புரை, வாக்குப்பதிவு என இதுவரை நாம் கடந்து வந்த இரு கட்டங்களை விட, மே 4-ஆம் தேதி நடைபெற உள்ள வாக்கு எண்ணிக்கை எனும் 3-ஆம் கட்டம்தான் மிகவும் முக்கியமானதாகும்" என்று அவர் சுட்டிக்காட்டியுள்ளார். வாக்கு எண்ணிக்கை மையங்களில் பணியாற்றும் பாமக மற்றும் அதன் கூட்டணிக் கட்சி முகவர்கள் ஒவ்வொரு நிமிடமும் மிகுந்த விழிப்புடனும், கவனத்துடனும் செயல்பட வேண்டும் என்று அவர் வலியுறுத்தியுள்ளார்.

இதையும் படிங்க: "வெற்றி வாய்ப்பு பிரகாசமாக உள்ளது": பழனி முருகனைத் தரிசித்த பின் நடிகர் சுந்தர் சி அதிரடி!

தேர்தல் களத்தில் கடுமையாக உழைத்த உழைப்பிற்கு முறையான பலன் கிடைப்பதை உறுதி செய்ய, வாக்கு எண்ணிக்கையின் போது நடக்கும் ஒவ்வொரு சிறிய அசைவையும் முகவர்கள் கண்காணிக்க வேண்டும் என்று அவர் அறிவுறுத்தியுள்ளார். வாக்கு எண்ணிக்கை இயந்திரங்களில் பதிவான வாக்குகளைச் சரிபார்ப்பது முதல், இறுதி முடிவுகள் அறிவிக்கப்படும் வரை எவ்விதத் தொய்வும் இன்றி விழிப்புடன் இருக்க வேண்டும் என்பதே அவரது இந்த வேண்டுகோளின் மையக்கருத்தாக உள்ளது.

வாக்கு எண்ணிக்கை மையங்களில் கடைப்பிடிக்க வேண்டிய விதிமுறைகள் மற்றும் பாதுகாப்பு ஏற்பாடுகள் குறித்து ஏற்கனவே தேர்தல் ஆணையம் வழிகாட்டுதல்களை வெளியிட்டுள்ள நிலையில், அன்புமணி ராமதாஸின் இந்த அறிக்கை பாமக மற்றும் கூட்டணிக் கட்சித் தொண்டர்களிடையே கூடுதல் கவனத்தையும் சுறுசுறுப்பையும் ஏற்படுத்தியுள்ளது.

இதையும் படிங்க: கேரளாவில் காங்கிரஸ் கூட்டணி அதிரடி மீட்சி: எக்ஸிட் போல் முடிவுகளில் 'யுடிஎப்' வெற்றி வாய்ப்பு - இடதுசாரிகளுக்குப் பின்னடைவா?