உதயநிதி பொறுப்பேற்ற பிறகு திமுகவில் 22வயதிற்குள்ளும், விஜய் கட்சியில் 18வயது இளைஞர்கள் பூத் கமிட்டி உறுப்பினர்களாக இருக்கும் போது அதிமுகவில் 60 - 70 வயதானவர்கள் ஓடியாடி தேர்தல் பணியாற்ற முடியுமா? 83 வயது பொன்னையன் அதிமுக ஆலோசனை கூட்டத்தில் நிர்வாகிகள் மத்தியில் கேள்வி எழுப்பியுள்ளது பரபரப்பை ஏற்படுத்தியுள்ளது.
திருவள்ளூர் மாவட்டம் பொன்னேரியில் அதிமுக பூத் கமிட்டி மற்றும் BLA2 நியமித்தல் தொடர்பான ஆலோசனை கூட்டம் நடைபெற்றது. திருவள்ளூர் வடக்கு மாவட்ட செயலாளர் சிறுணியம் பலராமன் தலைமையில் நடைபெற்ற இந்த ஆலோசனை கூட்டத்தில் அக்கட்சியின் செய்தி தொடர்பாளரும், முன்னாள் அமைச்சருமான பொன்னையன் கலந்து கொண்டு கட்சி நிர்வாகிகளுக்கு ஆலோசனைகளை வழங்கினார்.
அப்போது பேசிய அவர் நடிகர் விஜய் கட்சியில் 18 முதல் 21 வயதுக்கு உட்பட்ட இளைஞர்கள், இதேபோன்று திமுகவில் உதயநிதி தலைமையின் கீழ் இளைஞர் அணியில் 22 வயதுக்கு உட்பட்டவர்கள் பூத் கமிட்டி உறுப்பினர்களாகவும், இளைஞரணி செயலாளர்களாகவும், கிளைச் செயலாளர்களாகவும் இருக்கும்போது.
இதையும் படிங்க: #BREAKING: அதிமுக ராஜ்யசபா வேட்பாளர்கள் பட்டியல் வெளியீடு..! ஏமாற்றத்தில் தேமுதிக..!
60 முதல் 70 வயது வரை உள்ள அதிமுக இளைஞரணி செயலாளர்கள், பூத் கமிட்டி உறுப்பினர்கள் 20 வயது உள்ள திமுக இளைஞருடன், 20 வயதுடைய விஜய் கட்சி இளைஞருடன் ஓடி ஆடி வேலை செய்ய முடியுமா? இது நடக்கிற காரியமா? முடியாது என்ற காரணத்தினால் தான் கட்சித் தலைமையும் எடப்பாடி பழனிச்சாமியும் ஒன்றாக இணைந்து முடிவெடுத்து 45 வயதிற்கு உட்பட்டவர்களை கட்சிப் பொறுப்புகளில் நியமித்து வருவதாகவும், மூத்த நிர்வாகிகள் ஒத்துழைக்கத் தவறினால் அவர்கள் கட்சியை பலப்படுத்த ஒதுங்கி தான் இருக்க வேண்டும், விலகி இருந்து ஆலோசனை வழங்க வேண்டும் என கூறினார்.
83வயதான முன்னாள் அமைச்சர் பொன்னையன் கட்சியில் செய்தி தொடர்பாளர் பொறுப்பு வகித்து கொண்டு மற்றவர்களை பதவியில் இருந்து விலகி இருக்க வேண்டும் என கூறியது கட்சி நிர்வாகிகள் மத்தியில் அதிருப்தியை ஏற்படுத்தியது.
இதையும் படிங்க: போட்டோஷூட்- னா FULL MAKEUP ல வந்துடுவாரு... கூச்சமே இல்லையா? முதல்வர் மீது அதிமுக கடும் தாக்கு!