டெல்லி செங்கோட்டையில் நடைபெற்ற 80வது சுதந்திர தின விழாவில் காங்கிரஸ் தலைவர் மல்லிகார்ஜுன கார்கே மற்றும் மக்களவை எதிர்க்கட்சித் தலைவர் ராகுல் காந்தி பங்கேற்காதது அரசியல் வட்டாரத்தில் கவனம் பெற்றுள்ளது. இருவரும் தொடர்ந்து 2-வது ஆண்டாக சுதந்திர தின விழாவில் கலந்து கொள்ளவில்லை.

பிரதமர் நரேந்திர மோடி செங்கோட்டையில் தேசியக் கொடியை ஏற்றி வைத்து நாட்டு மக்களுக்கு உரையாற்றிய நிலையில், முக்கிய எதிர்க்கட்சித் தலைவர்கள் இருவரும் விழாவில் இல்லாதது தொடர்பாக பல்வேறு கேள்விகள் எழுந்துள்ளன.

இதற்கு பின்னணியாக கடந்த ஆண்டு சுதந்திர தின விழாவில் ஏற்பட்ட இருக்கை தொடர்பான சர்ச்சை குறிப்பிடப்படுகிறது. 2024ஆம் ஆண்டு செங்கோட்டையில் நடைபெற்ற சுதந்திர தின விழாவில் மக்களவை எதிர்க்கட்சித் தலைவர் ராகுல் காந்திக்கு வழக்கமான நடைமுறைக்கு மாறாக பின்வரிசையில் இருக்கை ஒதுக்கப்பட்டதாக காங்கிரஸ் தரப்பில் எதிர்ப்பு தெரிவிக்கப்பட்டது.

இதையும் படிங்க: வருமானத்திற்கு அதிகமாக சொத்து சேர்த்த வழக்கு! CBI, ED விசாரணை தீவிரம்! சுப்ரீம் கோர்ட்டில் ராகுல் மேல்முறையீடு!

மக்களவை எதிர்க்கட்சித் தலைவர் மத்திய அமைச்சருக்கு இணையான அந்தஸ்தைக் கொண்டவர் என்பதால், குடியரசு தினம் மற்றும் சுதந்திர தினம் போன்ற முக்கிய அரசு நிகழ்ச்சிகளில் அவருக்கு உரிய நெறிமுறைப்படி இடம் வழங்கப்பட வேண்டும் என்று எதிர்க்கட்சிகள் வலியுறுத்தின.

ராகுல் காந்திக்கு பின்வரிசையில் இருக்கை ஒதுக்கப்பட்டதை மக்களவை எதிர்க்கட்சித் தலைவருக்கு மட்டுமல்லாமல், அவரைத் தேர்ந்தெடுத்த மக்களுக்கும் இழைக்கப்பட்ட அவமரியாதை என எதிர்க்கட்சித் தரப்பில் விமர்சனங்கள் எழுந்தன.

இதற்கு நிகழ்ச்சி ஏற்பாடுகளை கவனித்த பாதுகாப்பு அமைச்சகம் விளக்கம் அளித்திருந்தது. பாரீஸ் ஒலிம்பிக் போட்டிகளில் பங்கேற்ற இந்திய வீரர்களுக்கு விழாவில் இடம் அளிப்பதற்காக இருக்கை ஏற்பாட்டில் மாற்றம் செய்யப்பட்டதாக தெரிவிக்கப்பட்டது.

இருப்பினும், இந்த விவகாரம் அரசியல் சர்ச்சையாக மாறியது. முக்கிய அரசு விழாக்களில் எதிர்க்கட்சித் தலைவர்களுக்கு வழங்கப்படும் நெறிமுறை மற்றும் மரியாதை தொடர்பான விவாதமும் தொடர்ந்து எழுந்தது.

இந்த நிலையில், 2026ஆம் ஆண்டு சுதந்திர தின விழாவிலும் ராகுல் காந்தி மற்றும் மல்லிகார்ஜுன கார்கே பங்கேற்கவில்லை. கடந்த ஆண்டு ஏற்பட்ட இருக்கை சர்ச்சை உள்ளிட்ட காரணங்களால் அவர்கள் விழாவை புறக்கணித்ததாக அரசியல் வட்டாரங்களில் கூறப்படுகிறது.

எனினும், இருவரும் இந்த ஆண்டு விழாவில் பங்கேற்காததற்கான அதிகாரப்பூர்வ காரணம் குறித்து அவர்களது தரப்பில் தெளிவான விளக்கம் வெளியாகாத நிலையில், கடந்த ஆண்டு ஏற்பட்ட நெறிமுறை சர்ச்சை மீண்டும் பேசுபொருளாகியுள்ளது.

இதையும் படிங்க: அமித் ஷா போட்ட திடீர் ‘டெட்லைன்’! எதிர்க்கட்சிகளுக்கு செக்... பார்லி.,யில் உச்சகட்ட பரபரப்பு!