சென்னை: தமிழக வெற்றிக் கழகம் (தவெக) தலைவர் நடிகர் விஜய் 2026 தமிழ்நாடு சட்டமன்றத் தேர்தலில் பெரும் வெற்றி பெற்றதைத் தொடர்ந்து, இன்று சென்னை நேரு உள்விளையாட்டு அரங்கில் தமிழ்நாட்டின் முதலமைச்சராக பதவியேற்றுக் கொண்டார். பதவியேற்பு விழா முடிந்த உடனேயே புதிய அரசு நிர்வாக ரீதியான மாற்றங்களைத் தொடங்கியுள்ளது.

முதலமைச்சர் விஜய்யின் முதன்மை செயலாளராக (Principal Secretary) செந்தில்குமார் ஐ.ஏ.எஸ். நியமிக்கப்பட்டுள்ளார். சுகாதாரத்துறை செயலராகப் பணியாற்றிய செந்தில்குமார் தற்போது முதலமைச்சரின் அலுவலகத்துக்கு மாற்றப்பட்டுள்ளார். இதேபோல், ஆதி திராவிடர் நலத்துறை செயலராக இருந்த லட்சுமி பிரியா ஐ.ஏ.எஸ். முதலமைச்சர் விஜய்யின் தனிச் செயலராக (Personal Secretary) நியமிக்கப்பட்டுள்ளார்.

புதிய அரசு அமைந்துள்ள நிலையில், நிர்வாகத்தை மேலும் சீரமைக்கும் வகையில் அடுத்தடுத்த அதிகாரிகள் மாற்றங்கள் விரைவில் அறிவிக்கப்படும் என எதிர்பார்க்கப்படுகிறது. தமிழ்நாட்டின் நிர்வாக இயந்திரத்தை மக்கள் நலன் சார்ந்த வகையில் வலுப்படுத்தும் நோக்கில் இந்த மாற்றங்கள் மேற்கொள்ளப்படுவதாக தகவல்கள் தெரிவிக்கின்றன.

இதையும் படிங்க: ஆட்டம் ஆடலாம்னு நினைச்சீங்க!! விடமாட்டேன்! தவெக அமைச்சர்களுக்கு விஜய் வார்னிங்!!

தேர்தலில் 108 தொகுதிகளில் வெற்றி பெற்ற தவெக, கூட்டணி ஆதரவுடன் ஆட்சிப் பொறுப்பை ஏற்றுள்ளது. நடிகராக புகழ் பெற்ற விஜய், அரசியலில் நுழைந்த முதல் தேர்தலிலேயே முதலமைச்சர் பதவிக்கு உயர்ந்துள்ளது தமிழக அரசியல் வரலாற்றில் தனித்துவமான தருணமாகப் பார்க்கப்படுகிறது.

பதவியேற்ற உடனேயே மூன்று முக்கிய மக்கள் நலத் திட்ட கோப்புகளில் கையெழுத்திட்ட விஜய், ஊழல் ஒழிப்பு, சட்டம் ஒழுங்கு, பெண்கள் பாதுகாப்பு, போதைப்பொருள் ஒழிப்பு உள்ளிட்ட விவகாரங்களில் உறுதியான நடவடிக்கை எடுப்பதாக உறுதியளித்தார். புதிய அரசு தமிழ்நாட்டின் வளர்ச்சிக்கும், மக்கள் நலனுக்கும் முன்னுரிமை அளித்து செயல்படும் என எதிர்பார்ப்பு எழுந்துள்ளது.

முதலமைச்சர் விஜய்யின் தலைமையில் புதிய நிர்வாகக் குழு உருவாகியுள்ள நிலையில், தமிழகம் முழுவதும் புதிய அரசுக்கான வரவேற்பும், எதிர்பார்ப்பும் அதிகரித்துள்ளது.

இதையும் படிங்க: Breaking News! மக்களை ஏமாற்றி திசை திருப்பாதீங்க!! முதல்வர் விஜய் குற்றச்சாட்டிற்கு மு.க.ஸ்டாலின் பதில்!!