மதுக்கடைகளில் அரசு நிர்ணயித்த விலையை விட கூடுதலாக பணம் வசூலித்ததாகக் கூறப்படும் 200 பணியாளர்களை டாஸ்மாக் நிர்வாகம் சஸ்பெண்ட் செய்துள்ளது. கடந்த 20 நாட்களில் மட்டும் இந்த அதிரடி நடவடிக்கை எடுக்கப்பட்டுள்ளது.
டாஸ்மாக் மதுக்கடைகளில் பாட்டில் ஒன்றுக்கு ₹10, ₹20 என இஷ்டத்துக்கு கூடுதல் தொகை வசூலிக்கப்படுவது வாடிக்கையாக இருந்து வருகிறது. இதனால் மது அருந்தும் மக்கள் கடும் பாதிப்புக்கு உள்ளாகினர். புதிய த.வெ.க., அரசு பொறுப்பேற்ற பின்னரும் இந்த முறைகேடு தொடர்ந்தது. இதுதொடர்பான புகார்கள் அரசுக்கு அதிக அளவில் வந்தன.
இதையடுத்து, மாவட்ட மேலாளர்களுக்கு டாஸ்மாக் தலைமை உத்தரவு பிறப்பித்தது. மதுக்கடைகளில் தீவிர ஆய்வு செய்து, கூடுதல் பணம் வசூலிக்கும் பணியாளர்கள் மீது உடனடி நடவடிக்கை எடுக்க வேண்டும் என அறிவிக்கப்பட்டது. மேலாளர்கள் அலட்சியம் காட்டினால் அவர்கள் மீதும் நடவடிக்கை எடுக்கப்படும் என எச்சரிக்கை விடுக்கப்பட்டது.
இதையும் படிங்க: பாட்டிலுக்கு ரூ.10 முதல் ரூ.50 வரை கூடுதலாக வசூலிப்பு!! 277 பேரை தட்டித்தூக்கியது காவல்துறை!
இந்த உத்தரவுக்குப் பின்னர் மாவட்ட மேலாளர்கள் மற்றும் பறக்கும் படை அதிகாரிகள் முழு வீச்சில் ஆய்வில் ஈடுபட்டனர். கடைகளுக்கு திடீர் சோதனை நடத்தி, வாடிக்கையாளர்களிடம் நேரடியாக விசாரணை மேற்கொள்ளப்பட்டது. இதில், கடந்த 20 நாட்களில் மட்டும் 200 பணியாளர்கள் கூடுதல் பணம் வசூலித்ததற்கான ஆதாரங்கள் கிடைத்ததாக டாஸ்மாக் தரப்பில் தெரிவிக்கப்பட்டுள்ளது. இவர்கள் அனைவரும் உடனடியாக சஸ்பெண்ட் செய்யப்பட்டுள்ளனர்.
டாஸ்மாக் நிர்வாகம் இனி மிகவும் கண்காணிப்புடன் செயல்படும் என எதிர்பார்க்கப்படுகிறது. மக்களின் வரிப்பணத்தில் இயங்கும் டாஸ்மாக் கடைகளில் முறைகேடுகளுக்கு இடமில்லை என்பதை அரசு உறுதிப்படுத்தியுள்ளது.
இந்த நடவடிக்கை மது பிரியர்களிடையே வரவேற்பைப் பெற்றுள்ளது. இருப்பினும், சிலர் இன்னும் முழுமையான கட்டுப்பாடு தேவை என்கின்றனர். டாஸ்மாக் பணியாளர்கள் மத்தியில் இந்த சஸ்பெண்ட் அதிர்ச்சியை ஏற்படுத்தியுள்ளது. மீதமுள்ள ஊழியர்கள் இனி கூடுதல் பணம் வசூலிக்கும் செயலில் ஈடுபடாமல் இருக்க வேண்டும் என எச்சரிக்கை விடுக்கப்பட்டுள்ளது.
முதல்வர் விஜய் தலைமையிலான அரசு, மக்கள் நலன் சார்ந்த பிரச்சினைகளில் தீவிரம் காட்டி வருவதாக அரசு வட்டாரங்கள் தெரிவிக்கின்றன. டாஸ்மாக் முறைகேடுகளுக்கு எதிரான இந்த நடவடிக்கை தொடரும் என எதிர்பார்க்கப்படுகிறது.
இதையும் படிங்க: திமுக ஆட்சியில் பினாமிகள் மூலம் டெண்டர் முறைகேடு! முதல்வர் விஜய் ஸ்மார்ட் முவ்! சிக்கப்போகும் தலைகள்?!