தமிழகத்தின் 17வது சட்டசபையின் முதல் கூட்டத் தொடர் இன்று (மே 11) காலை சென்னை சட்டசபை வளாகத்தில் துவங்கியது. புதிய எம்எல்ஏக்கள் பதவியேற்பு நிகழ்ச்சி நடைபெற்ற நிலையில், தற்காலிக சபாநாயகராக நியமிக்கப்பட்ட கருப்பையா உறுப்பினர்களுக்கு பதவிப்பிரமாணம் செய்து வைத்தார். கூட்டத் தொடக்க உரையிலேயே அவர் முதல்வர் விஜயை பாராட்டி பேசியது அவையில் கவனம் ஈர்த்தது.

அவையில் உரையாற்றிய கருப்பையா, “துணிவு, கொடைத்தன்மை, அறிவு மற்றும் முயற்சி ஆகிய நான்கு குணங்களும் உண்மையான தலைவருக்குரிய அடையாளங்கள். அந்த இயல்புகளை தன்னுள் கொண்ட தலைவராக, இளைஞர்களின் எழுச்சி நாயகனாக, இன்று நாடு முழுவதும் உச்சரிக்கப்படும் மூன்று எழுத்து மந்திரமாக முதல்வர் விஜய் திகழ்கிறார்” என்று குறிப்பிட்டார். மேலும், “தமிழக மக்களுக்காக tireless-ஆக உழைக்கும் இயந்திரமாக அவர் செயல்பட்டு வருகிறார்” என்றும் பாராட்டினார்.

தன்னை சோழவந்தான் தொகுதி எம்எல்ஏவாக தேர்வு செய்த மக்களுக்கும், தற்காலிக சபாநாயகராக பொறுப்பு அளித்த முதல்வர் விஜய்க்கும் கருப்பையா நன்றி தெரிவித்தார். “இந்த பொறுப்பு எனக்கு பெருமை சேர்த்துள்ளது. வரலாற்றுச் சிறப்பு மிக்க சட்டசபையை வழிநடத்தும் வாய்ப்பு கிடைத்தது மகிழ்ச்சி அளிக்கிறது” என்றார்.

இதையும் படிங்க: இரண்டாக உடைந்தது அதிமுக! சட்டசபையில் வெட்ட வெளிச்சம்!! எடப்பாடி பழனிசாமி vs சி.வி.சண்முகம்!

அதோடு, “எண்ணற்ற தடைகள் மற்றும் இன்னல்களை தனித்து எதிர்கொண்டு வெற்றி கண்டவர் விஜய். பல்வேறு இடையூறுகள் வந்தபோதும் அவற்றை தகர்த்தெறிந்து மக்கள் ஆதரவை பெற்றவர்” என்றும் அவர் கூறினார். புதிய எம்எல்ஏக்கள் அனைவரும் மக்களின் பிரதிநிதிகளாக செயல்பட்டு தமிழக முன்னேற்றத்திற்காக பணியாற்ற வேண்டும் எனவும் வலியுறுத்தினார்.

இந்த உரை சட்டசபையில் மட்டுமின்றி சமூக வலைதளங்களிலும் பரபரப்பை ஏற்படுத்தியது. தற்காலிக சபாநாயகர் கருப்பையாவின் உரை பல்வேறு டிஜிட்டல் தளங்களில் நேரலையாக ஒளிபரப்பப்பட்டதால், அரசியல் வட்டாரங்களில் இது குறித்து தீவிர விவாதம் நிலவுகிறது.

இதையும் படிங்க: தொடங்கியது விஜய் ஆட்டம்!! அதிகாரிகள் மாற்றம்!! முதன்மை செயலராக செந்தில்குமார் ஐ.ஏ.எஸ் நியமனம்!