மேற்கு வங்க சட்டசபைத் தேர்தலில் படுதோல்வியைச் சந்தித்ததைத் தொடர்ந்து, திரிணமுல் காங்கிரஸ் (திரிணமுல்) கட்சியில் உட்கட்சி பூசல் தீவிரமடைந்துள்ள நிலையில், அக்கட்சியின் ராஜ்யசபா எம்.பி.க்கள் ஒன்றன் பின் ஒன்றாக ராஜினாமா செய்து வருகின்றனர். இன்று மூன்றாவது எம்.பி.யாக பிரகாஷ் சிக் பராக் தனது பதவியை ராஜினாமா செய்தார்.

கடந்த 8-ம் தேதி சுகேந்து சேகர் ராய் ராஜினாமா செய்ததோடு கட்சியிலிருந்தும் விலகினார். நேற்று மற்றொரு ராஜ்யசபா எம்.பி.யான சுஷ்மிதா தேவ் (53) தனது பதவியை ராஜினாமா செய்தார். இன்று பிரகாஷ் சிக் பராக்கின் ராஜினாமாவுடன் திரிணமுல் காங்கிரஸின் ராஜ்யசபா பலம் 10 எம்.பி.க்களாகக் குறைந்துள்ளது.

மம்தா பானர்ஜி தலைமையிலான திரிணமுல் காங்கிரஸ் கட்சி தற்போது பெரும் நெருக்கடியை எதிர்கொண்டுள்ளது. தேர்தல் தோல்விக்குப் பிறகு உட்கட்சி கருத்து வேறுபாடுகள் அதிகரித்துள்ளதால், முக்கிய நிர்வாகிகள் மற்றும் எம்.பி.க்கள் கட்சியை விட்டு வெளியேறும் நிலை உருவாகியுள்ளது. 

இதையும் படிங்க: திரிணாமூல் காங்கிரசின் மேலும் ஒரு எம்.பி ராஜினாமா!! மம்தாவுக்கு பேரிடி! மேற்கு வங்கத்தில் பரபரப்பு!

அடுத்த வாரத்திற்குள் மேலும் மூன்று ராஜ்யசபா எம்.பி.க்கள் ராஜினாமா செய்ய வாய்ப்புள்ளதாக வட்டாரங்கள் தெரிவிக்கின்றன. இது மம்தா தலைமையிலான கட்சிக்கு மேலும் பெரிய அதிர்ச்சியை ஏற்படுத்தும் என அஞ்சப்படுகிறது.

திரிணமுல் காங்கிரஸ் நீண்ட காலமாக மேற்கு வங்கத்தில் ஆளும் கட்சியாக இருந்து வந்த நிலையில், சமீபத்திய தேர்தல் முடிவுகள் கட்சியின் எதிர்காலத்தையே கேள்விக்குறியாக்கியுள்ளது. உட்கட்சி பூசல், தலைமைக்கு எதிரான அதிருப்தி உள்ளிட்டவை ராஜினாமாக்களுக்கு முக்கிய காரணமாகச் சொல்லப்படுகிறது.

பிரகாஷ் சிக் பராக்கின் ராஜினாமா திரிணமுல் காங்கிரஸுக்குப் புதிய சவாலை ஏற்படுத்தியுள்ளது. கட்சியின் மூத்த தலைவர்கள் இந்த விவகாரத்தை சமாளிக்க முயன்று வரும் நிலையில், மேலும் பலர் வெளியேறும் அபாயம் உள்ளதாக அரசியல் வட்டாரங்கள் கூறுகின்றன. மம்தா பானர்ஜியின் தலைமையில் கட்சி மீண்டும் வலுவடையுமா அல்லது தொடர்ந்து பின்னடைவைச் சந்திக்குமா என்பதை நாடே உற்று நோக்கி வருகிறது. 

இதையும் படிங்க: இரண்டாக உடைகிறது திரிணாமுல் காங்.,! மகாராஷ்டிரா மாடலை கையில் எடுத்த பாஜக! மம்தா கண்ணீர்!