தமிழக வெற்றிக் கழகத்தின் வேட்பாளர்களை நாளை மறுநாள் விஜய் அறிமுகம் செய்து வைக்க இருப்பது அரசியல் வட்டாரத்தில் பெரும் எதிர்பார்ப்பை ஏற்படுத்தியுள்ளன. 2026 சட்டமன்றத் தேர்தலை முன்னிட்டு தனித்துப் போட்டியிடும் முடிவில் உறுதியாக இருக்கும் தவெக, தமிழ்நாட்டின் 234 தொகுதிகளுக்கும் வேட்பாளர்களை தேர்வு செய்யும் பணியை தீவிரப்படுத்தியுள்ளது.
இந்தச் சூழலில், கட்சித் தலைவர் விஜய் நேரடியாக வேட்பாளர்களை அறிவிப்பார் என்று கட்சி ஏற்கனவே தெளிவுபடுத்தியிருக்கும் நிலையில், அறிமுகம் குறித்த புதிய தகவல்கள் கவனத்தை ஈர்க்கின்றன. தவெகவின் வேட்பாளர் தேர்வு செயல்முறை பல கட்டங்களாக நடைபெற்று வருகிறது. பிப்ரவரி மாதம் முதல் விருப்ப மனுக்கள் பெறப்பட்டு, மார்ச் முதல் வாரத்தில் சென்னை பனையூர் அலுவலகத்தில் விஜய் தானே நேர்காணல்களை நடத்தத் தொடங்கினார்.
முதல் கட்டத்தில் சுமார் 60 பேர் வரை நேர்காணல் செய்யப்பட்டதாகவும், அதன் பின்னர் இரண்டாவது கட்ட நேர்காணல்களும் தொடர்ந்ததாகவும் தகவல்கள் வெளியாகின. இந்த நேர்காணல்களின் அடிப்படையில் முதல் 50 வேட்பாளர்கள் உள்ளிட்ட பட்டியலை விரைவில் வெளியிடலாம் என்ற எதிர்பார்ப்பு ஏற்கனவே இருந்தது. சமீப நாட்களில் விஜய் கையில் வேட்பாளர் பட்டியல் இருப்பதாகவும், விரைவில் வெளியிடுவார் என்று கூறப்பட்டது.
இதையும் படிங்க: தலைகீழாக மாறிய அரசியல் கணக்கு... திமுக Vs அதிமுக Vs தவெக ... அடுத்த முதல்வர் யார்? - வெளியானது முக்கிய கருத்துக்கணிப்பு...!
இந்த நிலையில் மார்ச் 27ஆம் தேதி விஜய் தமிழக வெற்றி கழகத்தின் வேட்பாளர்களை அறிமுகம் செய்து வைக்க இருப்பதாக கூறப்பட்டுள்ளது. மாமல்லபுரத்தில் வேட்பாளர் அறிமுக நிகழ்ச்சி நடைபெற இருப்பதாகவும் தெரிவிக்கப்பட்டுள்ளது. விஜய் பெரம்பூர் தொகுதியில் களமிறங்குவார் என்று ஏற்கனவே கூறப்பட்ட நிலையில், பெரும் எதிர்பார்ப்பை ஏற்படுத்தி இருக்கிறது.
இதையும் படிங்க: தவெக ரூட் எடுத்த திருமா... விசிகவிடம் மீண்டும் டீல் பேசிய விஜய்... தமிழக அரசியலில் அதிரடி திருப்பம்...!