சென்னை: தமிழக அரசியல் களத்தில் வலுவான எழுச்சியைப் பெற்று வரும் தமிழக வெற்றிக் கழகம் (தவெக) மீது திரையுலகினர் மற்றும் அரசியல் பிரமுகர்களின் ஈர்ப்பு அதிகரித்து வருகிறது. இந்த வரிசையில், தமிழ் சினிமாவின் முன்னணி குணச்சித்திர நடிகர் டி.எஸ்.ஆர். சீனிவாசன் அதிகாரப்பூர்வமாக தவெகவில் இணைந்துள்ளார்.
தவெக பொதுச்செயலாளர் என்.ஆனந்த் முன்னிலையில் நடிகர் டி.எஸ்.ஆர். சீனிவாசனுக்கு பொன்னாடை அணிவித்து உற்சாக வரவேற்பு அளிக்கப்பட்டது. கட்சியின் துண்டு அணிவிக்கப்பட்டதுடன், தலைமை நிர்வாகிகள் அவரை அன்புடன் வரவேற்றனர். இந்த இணைப்பு தவெகவுக்கு கூடுதல் வலு சேர்ப்பதாக பார்க்கப்படுகிறது.
விஜய் சேதுபதி நடித்த ‘சேதுபதி’ உள்ளிட்ட பல முக்கிய திரைப்படங்களில் நேர்மையான போலீஸ் அதிகாரி, வில்லன் மற்றும் குணச்சித்திர வேடங்களில் நடித்து ரசிகர்களின் மனதில் இடம் பிடித்தவர் டி.எஸ்.ஆர். சீனிவாசன். ஓடிடி தளங்களில் வரும் பல பிரபல வலைத்தொடர்களிலும் அவர் முத்திரை பதித்துள்ளார். திரைத்துறையில் மட்டுமின்றி, தமிழக அரசியல் நிகழ்வுகளிலும் தனது கருத்துகளை தைரியமாகப் பகிர்ந்து வருபவர்.
இதையும் படிங்க: PINK PATROL மீது ஸ்டிக்கர் ஒட்டிய TVK அரசு..! முதல்வர் விஜய் மீது கனிமொழி எம்.பி. விமர்சனம்.!
கடந்த 2026 சட்டமன்றத் தேர்தலில் நடிகர் விஜய்யின் தவெக தனிப்பெரும் கட்சியாக உருவெடுத்தபோது, டி.எஸ்.ஆர். சீனிவாசன் கண்ணீர் மல்க வாழ்த்து தெரிவித்த வீடியோ சமூக வலைதளங்களில் வைரலானது. “தமிழக அரசியலில் புதிய சகாப்தத்தைப் படைத்துள்ளார் விஜய்” என பாராட்டிய அவரது கருத்துகள் பலரது கவனத்தை ஈர்த்தன.
தவெகவில் இணைந்ததற்கான காரணம் குறித்து பேசிய நடிகர், தமிழகத்தின் எதிர்கால வளர்ச்சி மற்றும் மக்கள் நலன் சார்ந்த கொள்கைகளால் ஈர்க்கப்பட்டதாகத் தெரிவித்தார். மாற்றுக்கட்சி மற்றும் திரையுலகைச் சேர்ந்த பலரும் தொடர்ந்து தவெகவில் இணைந்து வரும் நிலையில், டி.எஸ்.ஆர். சீனிவாசனின் இணைப்பு மேலும் பரபரப்பை ஏற்படுத்தியுள்ளது.
தவெக பொதுச்செயலாளர் என்.ஆனந்த், “அனுபவம் மிக்க திரைக்கலைஞர்கள் கட்சியில் இணைவது பெருமைக்குரிய விஷயம். டி.எஸ்.ஆர். சீனிவாசன் போன்றவர்களின் ஆதரவு தவெகவின் வளர்ச்சிக்கு உதவியாக இருக்கும்” எனத் தெரிவித்தார்.
தமிழக வெற்றிக் கழகம் நோக்கிய அரசியல் சேர்க்கைகள் தொடர்ந்து நடைபெற்று வரும் சூழலில், இந்த இணைப்பு கட்சியின் செல்வாக்கை மேலும் அதிகரிக்கும் என எதிர்பார்க்கப்படுகிறது.
இதையும் படிங்க: சால்ஜாப்பு ஆகாது CM விஜய்..! தண்ணீரும்... கரட்ண்டும்...! வறுத்தெடுத்த H. ராஜா..!!