இந்தியா - பாகிஸ்தான் விவகாரத்தில் அமெரிக்க அதிபர் டிரம்ப் தலையீடு பற்றி மோடி ஏன் பேசவில்லை என்று கபில்சிபல் கேள்வி எழுப்பினார். 'ஆபரேஷன் சிந்தூர்' தாக்குதல், பாகிஸ்தானுடனான தாக்குதல், போர் நிறுத்தம் தொடர்பாக பிரதமர் மோடி தொலைக்காட்சி வழியாக நாட்டு மக்களுக்கு உரையாற்றினார். அப்போது பாகிஸ்தானுக்கு கடும் எச்சரிக்கை விடுத்து பிரதமர் மோடி பேசினார். இந்நிலையில் இந்தியா, பாகிஸ்தான் போர் நிறுத்த விவகாரத்தில் அமெரிக்க அதிபர் ட்ரம்ப் தலையீடு பற்றி மோடி ஏன் பேசவில்லை என்று கபில்சிபல் கேள்வி எழுப்பியுள்ளார்.

இதுதொடர்பாக கபில்சிபல் கூறும்போது, "பிரதமர் மோடியின் உரையிலிருந்து சில கேள்விகள் எனக்கு எழுகின்றன. அவர் அமெரிக்காவையோ அல்லது அதிபர் ட்ரம்பையோ பற்றி எதுவும் குறிப்பிடவில்லை. மே 10 அன்று பிற்பகல் 3:30 மணிக்கு பாகிஸ்தான் டிஜிஎம்ஓவை அழைத்ததாகவும், பின்னர் மாலை 5:30 மணிக்கு டிரம்ப் சமூக ஊடகங்களில் ஒரு பதிவை வெளியிட்டதாகவும் எங்களுக்குத் தெரிவிக்கப்பட்டது. இது அனைவருக்கும் தெரியும்.
ஆனால், மோடி அதைப் பற்றி உரையில் எதுவும் பேசவில்லை.

'ஆபரேஷன் சிந்தூர்' மூலம் நாங்கள் புதிய பரிமாணத்தை நிறுவியுள்ளோம் என்று மோடி கூறுகிறார். ஆம், இந்தியாவின் வரலாற்றில் முதல் முறையாக, மூன்றாவது நாடு எங்கள் விஷயத்தில் தலையிட்டு, என்ன செய்ய வேண்டும் என்பதை அவர்கள் முடிவு செய்வார்கள் என்று எங்களிடம் கூறியது. இந்தப் புரிதல் (பாகிஸ்தானுடன்) எவ்வாறு எட்டப்பட்டது என்பதை நீங்கள் (மோடி) குறிப்பிடவில்லை.

இதையும் படிங்க: போர் நிறுத்தத்திற்கு மத்தியஸ்தம் செய்ததா அமெரிக்கா.? மோடி சர்க்காருக்கு ஆதரவாக பேசும் சசி தரூர்!

இரண்டாவது என்னவென்றால், பாகிஸ்தான் மீண்டும் இதுபோன்ற செயலைச் செய்தால், நாங்கள் தகுந்த பதிலடி கொடுப்போம் என்று மோடி கூறுகிறார். அதாவது, பயங்கரவாதம் முடிவுக்கு வரவில்லை, அனைத்து பயங்கரவாதிகளும் கொல்லப்படவில்லை, அது மீண்டும் நடக்கலாம் என்பதுதான் அது. புல்வாமா தாக்குதல் யாருடைய கண்காணிப்பில் நடந்தது? பஹல்காம் யாருடைய கண்காணிப்பில் நடந்தது? அதற்கு யார் முழு பொறுப்பேற்பார்கள்?" என்று கபில்சிபல் கேள்வி எழுப்பினார்.

இதையும் படிங்க: நாங்க எங்க பாகிஸ்தானுக்கு ராணுவ தளவாடங்கள் கொடுத்தோம்..? இல்லவே இல்லை என்று மறுக்கும் சீனா!