சென்னையின் பாரம்பரியமிக்க ராயபுரம் சட்டமன்றத் தொகுதியில் 2026 தமிழ்நாடு சட்டமன்றத் தேர்தலில் பெரும் அதிர்ச்சி ஏற்பட்டுள்ளது. தமிழக வெற்றிக் கழகம் சார்பில் போட்டியிட்ட ஆட்டோ ஓட்டுநரான கே.வி. விஜய் தாமு (விஜய் தாமு) பெரும் வாக்கு வித்தியாசத்தில் வெற்றி பெற்றார். அதிமுகவின் மூத்த தலைவரும், நான்கு முறை எம்எல்ஏவுமான டி. ஜெயக்குமார் தனது டெபாசிட்டை இழக்கும் அளவுக்கு பின்னடைவை சந்தித்தார். இந்த வெற்றி தவெகவின் சென்னை உள்ளிட்ட பல தொகுதிகளில் காட்டிய வலிமையை மேலும் உறுதிப்படுத்தியுள்ளது.
தமிழக வெற்றிக் கழக வேட்பாளரான ஆட்டோ ஓட்டுநர் விஜய் தாமு என்று அழைக்கப்படும் கே.வி. விஜயதாமு இந்தத் தொகுதியில் வெற்றி பெற்று கவனத்தை ஈர்த்துள்ளார். ராயபுரம் தொகுதி சென்னையின் பாரம்பரியமான மற்றும் முக்கியமான தொகுதிகளில் ஒன்று. கடந்த 2021 தேர்தலில் திமுகவின் மூர்த்தி.ஆர்.ஐட்ரீம் பெரும் வெற்றி பெற்றிருந்த நிலையில், அதிமுகவின் ஜெயக்குமார் இரண்டாவது இடத்தில் இருந்தார். இம்முறை ஜெயக்குமார் எட்டாவது முறையாக இதே தொகுதியில் போட்டியிட்டு வருகிறார்.
அவரது நீண்டகால அனுபவம் மற்றும் உள்ளூர் தொடர்பு இருந்தபோதிலும், தேர்தல் பிரசாரத்தின்போதே TVK வேட்பாளருடன் நேரடி மோதல் போன்ற சம்பவங்கள் இந்தத் தொகுதியை பேசுபொருளாக்கின. வாக்கு எண்ணிக்கை தொடங்கிய முதல் சுற்றுகளிலிருந்தே TVK வேட்பாளர் விஜய் தாமு முன்னிலை காட்டத் தொடங்கினார். பல அறிக்கைகளின்படி, அவர் ஆயிரக்கணக்கான வாக்குகள் வித்தியாசத்தில் முன்னிலை வகித்தார்.
இதையும் படிங்க: #BIGBREAKING: பேரதிர்ச்சி..! கொளத்தூர் தொகுதியில் ஸ்டாலின் தோல்வி..! TVK வேட்பாளர் V.S. பாபு அமோக வெற்றி..!!
திமுக வேட்பாளர் ஏ. சுபைர் கான் இரண்டாவது இடத்தில் இருந்தபோது, ஜெயக்குமார் மூன்றாவது இடத்திற்குத் தள்ளப்பட்டார். காலை மணி நேர அப்டேட்களின்படி இந்தப் போக்கு தொடர்ந்தது. TVK-வின் புதிய அலை மற்றும் விஜயின் செல்வாக்கு இந்தத் தொகுதியில் வலுவாக எதிரொலித்திருப்பதாக அரசியல் பார்வையாளர்கள் கருதுகின்றனர். இந்த நிலையில் தவெக வேட்பாளர் விஜய் தாமு வெற்றி பெற்று உள்ளார். இந்த நிலையில் அதிமுக முன்னாள் அமைச்சர் ஜெயக்குமார் டெபாசிட் இழந்தார் என்பது அதிர்ச்சியை ஏற்படுத்தி உள்ளது.
இதையும் படிங்க: #BREAKING: #TNElectionResults2026: அதிர்ச்சி..! ராதாபுரம் தொகுதியில் அப்பாவு தோல்வி..! பூந்து விளையாடிய TVK..!