பாஜகவின் தமிழகப் பயணம் 1980களின் முற்பகுதியில் தொடங்கியது. அப்போது இந்தியாவின் பிற பகுதிகளில் வேரூன்றிய இக்கட்சி, தமிழகத்தில் டிராவிட அரசியலின் சவால்களை எதிர்கொண்டது. 1984 லோக்சபா தேர்தலில் வெறும் இரண்டு தொகுதிகளில் போட்டியிட்டு தோல்வியடைந்தாலும், 1996இல் கன்னியாகுமரி மாவட்டத்தில் சி. வேலாயுதம் என்பவரை எம்எல்ஏ ஆக்கியது அதன் முதல் மைல்கல். இது மிகுந்த சமூக பிரச்சினைகள், குறிப்பாக கிறிஸ்தவர்களுக்கும் இந்துக்களுக்கும் இடையிலான மோதல்களைப் பயன்படுத்தியதன் விளைவு.

தேசிய ஜனநாயகக் கூட்டணி (என்டிஏ) உருவான 1998க்குப் பின், பாஜக அதிமுக உள்ளிட்ட கட்சிகளுடன் கூட்டணி அமைத்து, 1999, 2004, 2014 தேர்தல்களில் சில இடங்களைப் பெற்றது. ஆனால், திராவிட இயக்கத்தின் சமூக நீதி, தமிழ் அடையாளம் மற்றும் மத்திய அரசுக்கு எதிரான உணர்வுகள், பாஜகவின் வளர்ச்சியைத் தடுத்தன. 2019 லோக்சபா தேர்தலில் அதிமுக உடனான கூட்டணியிலும், பாஜக தனித்து ஒரு தொகுதியை மட்டுமே வென்றது. 

இதனிடையே, 2026 சட்டமன்ற தேர்தலை முன்னிட்டு உள்துறை அமைச்சர் அமித் ஷா, அதிமுக பொதுச் செயலாளர் எடப்பாடி கே. பழனிசாமியுடன் கூட்டணி மீண்டும் அறிவித்தார். தேர்தலுக்கான பணிகள் முழுவீச்சில் நடைபெற்று வரும் நிலையில் தமிழகத்திற்கு பாஜக கூடுதல் கவனம் செலுத்தி வருகிறது. தொகுதி பங்கீடு உள்ளிட்டவை குறித்து அதிமுகவுடன் பேச்சுவார்த்தை நடத்தி வருவதாகவும் கூறப்பட்டுள்ளது.

இதையும் படிங்க: அதிரும் அரசியல் களம்...!! மீண்டும் NDA கூட்டணியில் ஓபிஎஸ், டிடிவி... நயினார் நாகேந்திரன் எடுத்த அதிரடி முடிவு....!

கடந்த முறை 20 தொகுதிகளில் போட்டியிட்ட பாஜக தற்போது அதிமுக விடம் 50 தொகுதிகளை கேட்பதாக தகவல் வெளியாகியுள்ளது. 2026 சட்டமன்ற தேர்தலுக்காக 50 தொகுதிகளை ஒதுக்க பாஜக நிர்பந்திப்பதாக தகவல் வெளியாகியுள்ளது. அது மட்டுமல்லாது தமிழக முழுவதும் வெற்றி வாய்ப்பு உள்ள 70 தொகுதிகளின் பட்டியலையும் தயார் செய்து பாஜக வழங்கி இருப்பதாகவும் கூறப்பட்டுள்ளது. தேர்ந்தெடுக்கப்பட்டுள்ள 70 தொகுதிகளில் 50 தொகுதிகளை ஒதுக்க வேண்டும் என்று பாஜக வலியுறுத்தி இருப்பதாக தகவல் வெளியாகியுள்ளது.

நேற்று முன்தினம் எடப்பாடி பழனிச்சாமியை சந்தித்த நயினார் நாகேந்திரன் 70 தொகுதிகளின் பட்டியலை இபிஎஸ்- யிடம் வழங்கியதாக கூறப்பட்டுள்ளது. 50 தொகுதிகள் என்று கோரிக்கையை எடப்பாடி பழனிச்சாமி ஏற்றுக்கொள்ளவில்லை என்று கூறப்படும் நிலையில் இன்று டெல்லி சென்றுள்ள நயினார் நாகேந்திரன் அமித்ஷாவை சந்தித்து பேச இருப்பதாகவும் தகவல் வெளியாகி உள்ளது. 

இதையும் படிங்க: தெருவுக்கு தெரு டாஸ்மாக்..! ACCIDENT-ல் நம்பர்.1 தமிழ்நாடு... ஆனா இந்த திமுக இருக்கே... விளாசிய அண்ணாமலை...!