தமிழ்நாடு அரசியலில் புதிய அத்தியாயத்தை எழுதிய தமிழக வெற்றிக் கழக தலைவர் விஜய் தலைமையிலான அரசு, சட்டமன்றத்தில் பெரும்பான்மையை நிரூபிக்கும் முக்கிய தருணத்தை எதிர்நோக்கியுள்ளது. 2026 சட்டமன்றத் தேர்தலில் தவெக 108 இடங்களில் வெற்றி பெற்று ஒற்றைப் பெரிய கட்சியாக உருவெடுத்த நிலையில், கூட்டணி ஆதரவுடன் ஆட்சி அமைத்துள்ள விஜய், ஆளுநர் உத்தரவின்படி சட்டப்பேரவையில் நம்பிக்கை வாக்கெடுப்பு மூலம் தனது பலத்தை நிரூபிக்க வேண்டும்.
மே 10-ம் தேதி நேரு ஸ்டேடியத்தில் விஜய் முதலமைச்சராகப் பதவியேற்றார். அவருடன் 9 தவெக அமைச்சர்களும் பொறுப்பேற்றனர். ஆளுநர் ராஜேந்திர விஷ்வநாத் அர்லேகர், விஜய்யை ஆட்சி அமைக்க அழைத்தபோதே, பெரும்பான்மையை சட்டமன்றத் தளத்தில் நிரூபிக்க வேண்டும் என்ற தெளிவான உத்தரவைப் பிறப்பித்தார்.
அதன்படி இன்று பெரும்பான்மையை தமிழக வெற்றி கழகம் நிரூபிக்கும் நிலையில் இரண்டாவது நாள் சட்டப்பேரவை கூட்டம் தொடங்கியது. அப்போது அம்மா மக்கள் முன்னேற்றக் கழகத்தின் எம்எல்ஏ காமராஜ் தமிழக வெற்றி கழகத்தின் ஆட்சியையும் முதல்வர் விஜய்யையும் பாராட்டி பேசி இருந்தார். ஐந்து ஆண்டுகால ஆட்சி தொடர வேண்டும் இளைஞர்கள் அதிக அளவில் உங்களை நம்புகிறார்கள் என்றும் முதல்வர் விஜய் உள்ளிட்ட அவையில் உள்ள அனைத்து இளைஞர்களும் நல்லாட்சி தருவார்கள் என நம்புகிறோம் எனவும் தெரிவித்தார். முதல்வர் ஜோசப் விஜய் ஐந்து ஆண்டு காலம் தமிழ்நாட்டிற்கு நல்லாட்சி தர வேண்டும் என்று அம்மா மக்கள் முன்னேற்ற கழக எம்எல்ஏ காமராஜ் பேசினார்.
இதையும் படிங்க: டுபாக்கூர் காங்கிரசா.? டிடிவி-லாம் பேச அருகதையே இல்ல.! விளாசிய தமிழ்நாடு மாணவர் காங்கிரஸ்..!
தமிழ்நாட்டு இளைஞர்கள் மட்டுமல்ல நாங்களும் முதலமைச்சர் விஜய் நம்புகிறோம் என்றார். அப்போது எஸ் காமராஜுக்கு எதிர்க்கட்சியினர் எதிர்ப்பு தெரிவித்துள்ளனர். தமிழக வெற்றி கழகம் தலைமையிலான அரசுக்கு தனது ஆதரவை தெரிவித்துக் கொள்வதாக அம்மா மக்கள் முன்னேற்றக் கழக எம்எல்ஏ காமராஜர் பேரவையில் அறிவித்துள்ளார். அதேபோல் முன்னாள் முதல்வர் ஸ்டாலின் உள்ளிட்டோரை முதல்வர் விஜய் சந்தித்ததற்கு விசிக எம்எல்ஏ வன்னியரசு பாராட்டு தெரிவித்தார். சட்டப்பேரவையில் எதிர்க்கட்சி எம்எல்ஏக்கள் பேசுவதற்கு அதிக நேரம் ஒதுக்க வேண்டும் என்று இந்திய கம்யூனிஸ்ட் எம்எல்ஏ ராமச்சந்திரன் வலியுறுத்தினார். முதல்வர் விஜய் இந்தியாவுக்கே முன்னுதாரணமாக இருப்பதாக சட்டமன்ற உறுப்பினர்கள் பாராட்டி வருகின்றனர். முதல்வரின் ஆரம்பமே அமர்க்களம் என்று இந்திய கம்யூனிஸ்ட் கட்சி பாராட்டி உள்ளது.
இதையும் படிங்க: "விஜய் ஃபோர்ஜரி"..! அது FAKE வீடியோ..! போர்க்கொடி தூக்கிய டிடிவி தினகரன்..!!