காவிரி மேலாண்மை ஆணையம் உத்தரவிட்டுள்ளபடி தமிழ்நாட்டிற்கு உரிய நீரை வழங்கிடக் கர்நாடகா மறுத்து வரும் நிலையில், இந்த விவகாரத்தில் தமிழக அரசு உடனடியாக உச்சநீதிமன்றத்தை அணுகுவதே ஒரே தீர்வு எனக் குறிவைத்துத் தாக்கியுள்ளார் முன்னாள் நீர்வளத்துறை அமைச்சர் துரைமுருகன். முன்னாள் முதலமைச்சர் மு.க.ஸ்டாலின் இல்லத்தில் இன்று நடைபெற்ற உயர்மட்ட ஆலோசனைக் கூட்டத்திற்குப் பிறகு செய்தியாளர்களைச் சந்தித்த அவர், தமிழகத்தின் வாழ்வாதாரப் பிரச்சனையில் சட்டரீதியான நடவடிக்கைகளை விரைவுபடுத்த வேண்டும் என அதிரடியாகத் தெரிவித்தார். 

காவிரி மேலாண்மை ஆணையத்தின் உத்தரவுப்படி, தமிழகத்தின் பாசனத் தேவைகளுக்காகத் தினமும் 1 டி.எம்.சி. தண்ணீரை கர்நாடகா தாமதமின்றித் திறந்துவிட வேண்டும் என்பதைத் துரைமுருகன் ஆணித்தரமாகச் சுட்டிக்காட்டினார். இருப்பினும், வழக்கம்போல் அண்டை மாநிலமான கர்நாடகா இந்த உத்தரவை முறையாக அமல்படுத்தாமல் முரண்டு பிடிக்கும் போக்கையே கையாண்டு வருவதாக அவர் குற்றம்சாட்டினார். 

காவிரி நதிநீர் பங்கீட்டு விவகாரத்தில் பேச்சுவார்த்தை என்ற பெயரில் நேரத்தைக் கடத்தாமல், தமிழகத்தின் விவசாயிகளின் நீர்ப்பாசன உரிமைகளைக் காக்க உடனடியாக மனுத் தாக்கல் செய்ய வேண்டிய கட்டாயம் ஏற்பட்டுள்ளது.  காவிரி வடிநிலப் பகுதி விவசாயிகளின் வாழ்வாதாரம் மற்றும் குறுவை, சம்பா சாகுபடித் தேவைகளைக் கருத்தில் கொண்டு, தமிழக அரசு உடனடியாக உச்சநீதிமன்றத்தை நாடி இடைக்கால உத்தரவைப் பெற வேண்டும் என்பதே தற்போதைய சூழலில் ஒரே சரியான மூவ் (Move) ஆக இருக்கும் எனத் துரைமுருகன் தெளிவுபடுத்தினார். 

இதையும் படிங்க: "தமிழ்த்தாய் வாழ்த்து இனி கட்டாயம்!" - பள்ளி, கல்லூரிகளுக்குத் தமிழக அரசு அரசாணை!

காவிரி மேலாண்மை ஆணையம் அளித்த உத்தரவை அமல்படுத்த உத்தரவிடக் கோரி உச்சநீதிமன்றப் படிஏறுவதே தமிழகத்திற்கு உரிய உரிமையைப் பெற்றுத் தரும் எனக் கூறியுள்ள இந்த பேட்டி, அரசியல் களத்தில் பெரும் பரபரப்பை ஏற்படுத்தியுள்ளது. 

இதையும் படிங்க: கோயில்கள் ஆகம விதி வகைப்பாடு! தமிழக அரசுக்கு 5 மாத அவகாசம் வழங்கி உச்ச நீதிமன்றம் உத்தரவு!