2024 ஜூலை 17 அன்று, ஐ.ஏ.எஸ். அதிகாரி குமரகுருபரன் சென்னை மாநகராட்சியின் 74-வது ஆணையராகப் பொறுப்பேற்றார். இவர் முன்னதாக சென்னை மாநகராட்சியின் துணை ஆணையராகவும், தமிழ்நாடு அரசின் பல்வேறு துறைகளிலும் பணியாற்றியவர். இவர் மீது அனுமதியற்ற கட்டுமானங்களுக்கு எதிராக நடவடிக்கை எடுக்கத் தவறியதாக நீதிமன்ற உத்தரவை மீறியதற்காக நீதிமன்ற அவமதிப்பு வழக்கு தொடரப்பட்டது. சென்னை மாநகராட்சி ஆணையர் ஜே. குமரகுருபரன் மீது, ராயபுரத்தில் உள்ள மண்டலம் 5-ல் அனுமதியற்ற கட்டுமானங்களுக்கு எதிராக நடவடிக்கை எடுக்கத் தவறியதாக நீதிமன்ற உத்தரவை மீறியதற்காக, சென்னை உயர் நீதிமன்றம் ரூ.1 லட்சம் அபராதம் விதித்தது. இந்த உத்தரவு, வழக்கறிஞர் ருக்மங்கதன் தாக்கல் செய்த நீதிமன்ற அவமதிப்பு மனு தொடர்பாக விசாரணையின் போது வெளியிடப்பட்டது. 

முதன்மை நீதிபதி மகாதேவன் மற்றும் நீதிபதி சுந்தர் மோகன் அடங்கிய அமர்வு, ஆணையர் ஐ.ஏ.எஸ். அதிகாரி என்பதால் நீதிமன்றத்தை விட உயர்ந்தவராக கருதுகிறாரா என கேள்வி எழுப்பி, அவரது செயல்பாட்டை கண்டித்தது. அபராதத் தொகை ஆணையரின் சம்பளத்தில் இருந்து பிடித்தம் செய்யப்பட்டு, ஆத்யார் புற்றுநோய் மருத்துவமனைக்கு வழங்கப்பட வேண்டும் என உத்தரவிடப்பட்டது.

மேலும், ஆணையர் ஜூலை 9, 2025 அன்று நேரில் ஆஜராகி, தனது நடவடிக்கைகளை விளக்க வேண்டும் என நீதிமன்றம் உத்தரவிட்டது. இந்த நிலையில், நீதிமன்ற அவமதிப்பு வழக்கில் நேரில் ஆஜராகி சென்னை மாநகராட்சி ஆணையர் மன்னிப்பு கோரினார். அவர் மன்னிப்பு கூறியதை அடுத்து ஒரு லட்ச ரூபாய் அபராதத்தை சென்னை உயர்நீதிமன்றம் திரும்ப பெற்றது. ஆணையரின் மன்னிப்பை ஏற்று, அபராதம் ரத்து செய்யப்பட்டாலும், சட்டவிரோத கட்டுமானங்கள் தொடர்பாக நீதிமன்ற உத்தரவுகளை கண்டிப்பாக அமல்படுத்த வேண்டும் என்பதை உயர் நீதிமன்றம் வலியுறுத்தியது. 

இதையும் படிங்க: தனியார் மயமாகும் மயானங்கள்? சென்னை மாநகராட்சி கூட்டத்தில் தீர்மானம்!!

இதையும் படிங்க: அமைச்சர் தம்பி மீதான CBI வழக்கில் தலைகீழ் திருப்பம்.. ஐகோர்ட் அதிரடி தீர்ப்பு..!