முதலீட்டாளர்கள் மாநாடு சிறப்பாக நடைபெற்று வருகிறது. தமிழக வெற்றிக் கழக அரசின் முதல் பெரிய முதலீட்டாளர்கள் மாநாடாக இது அமைந்துள்ளது. கிண்டியில் உள்ள ஐடிசி கிராண்ட் சோழா ஹோட்டலில் காலை 11 மணிக்கு தொடங்கிய இந்த மாநாட்டிற்கு முதலமைச்சர் ச. ஜோசப் விஜய் தலைமை தாங்கினார்.

தமிழகத்தின் தொழில் வளர்ச்சியை அடுத்த கட்டத்திற்கு எடுத்துச் செல்லும் நோக்கில் ஏற்பாடு செய்யப்பட்ட இந்த மாநாட்டில் உள்நாட்டு மற்றும் வெளிநாட்டு முதலீட்டாளர்கள், தொழில்துறை தலைவர்கள், கொள்கை வகுப்பாளர்கள் உள்ளிட்ட பலர் பங்கேற்றுள்ளனர். தமிழகத்தின் உற்பத்தித் துறை, மின்சார வாகனங்கள், தகவல் தொழில்நுட்பம், உள்கட்டமைப்பு, புதுப்பிக்கத்தக்க ஆற்றல், எலக்ட்ரானிக்ஸ், செமிகண்டக்டர், ஏரோஸ்பேஸ் உள்ளிட்ட பல்வேறு துறைகளில் முதலீடுகளை ஈர்ப்பதற்கான வாய்ப்புகளை இந்த மாநாடு உருவாக்கியுள்ளது.

இந்த மாநாட்டின் முக்கிய அம்சமாக 97 நிறுவனங்களுடன் புரிந்துணர்வு ஒப்பந்தங்கள் கையெழுத்தாகியுள்ளன. இந்த ஒப்பந்தங்களின் மொத்த மதிப்பு ரூ.67,452 கோடி ஆகும். இந்த முதலீடுகள் செயல்பாட்டுக்கு வரும்போது சுமார் ஒரு லட்சத்துக்கும் அதிகமான பேருக்கு வேலைவாய்ப்புகள் உருவாகும் என்று எதிர்பார்க்கப்படுகிறது. இதில் கணிசமான பகுதி பசுமை திட்டங்களாக அமைந்துள்ளது. பல நிறுவனங்கள் தமிழகத்தில் முதன்முறையாக முதலீடு செய்ய முடிவு செய்துள்ளன. 15க்கும் மேற்பட்ட நாடுகளைச் சேர்ந்த நிறுவனங்கள் இந்த ஒப்பந்தங்களில் பங்கேற்றுள்ளன.

இதையும் படிங்க: "100 நாட்களில் எழுதப்படும் புதிய பொருளாதார அத்தியாயம்"..! முதலீட்டாளர்கள் மாநாடு... தவெக பெருமிதம்..!!

முதலீடுகள் சுமார் 20 மாவட்டங்களில் பரவியுள்ளன. பாரம்பரிய தொழில்துறை பகுதிகளுக்கு வெளியேயும் பல திட்டங்கள் அமையவுள்ளன. இதன் மூலம் மாநிலத்தின் அனைத்துப் பகுதிகளிலும் சமச்சீர் தொழில் வளர்ச்சி ஏற்படும் என்று நம்பப்படுகிறது. தமிழக வெற்றிக் கழக அரசு பொறுப்பேற்ற பிறகு நடைபெறும் முதல் பெரிய முதலீட்டாளர்கள் மாநாடு இதுவாகும். முதலமைச்சர் முன்னிலையில் ஹிந்துஜா குரூப் நிறுவனத்துடன் 2500 கோடி ரூபாய் முதலீட்டுக்கான புரிந்துணர்வு ஒப்பந்தம் கையெழுத்தானது. டைட்டன் நிறுவனம் ஆயிரம் கோடி முதலீடு செய்ய புரிந்துணர்வு ஒப்பந்தம். முதல்வர் முன்னிலையில் கையெழுத்தாகி இருக்கிறது. இதே போல் பல்வேறு நிறுவனங்கள் கோடிக்கணக்கில் முதலீடு செய்கின்றன. 

இதையும் படிங்க: சோதனைகளை வென்று சாதனை படைத்து முன்னேறுங்கள்! சர்வதேச இளைஞர் தினத்தில் முதலமைச்சர் விஜய் வாழ்த்து!