தமிழக முதலமைச்சராகப் பொறுப்பேற்றுள்ள தமிழக வெற்றிக் கழகத் தலைவர் விஜய், தனது சொந்தத் தொகுதியான சென்னை பெரம்பூர் மக்களின் நலனுக்காக ஒரு முக்கிய டிஜிட்டல் முயற்சியை மேற்கொண்டுள்ளார். பெரம்பூர் தொகுதி மக்கள் தங்கள் அன்றாடப் பிரச்சினைகளையும் கோரிக்கைகளையும் எளிதாகத் தெரிவிக்கும் வகையில் பிரத்யேக மொபைல் செயலி ஒன்றை அறிமுகம் செய்ய உள்ளார். இந்த நவீன திட்டம், மக்கள் பிரச்சினைகளை உடனுக்குடன் தீர்க்கும் நோக்கத்துடன் உருவாக்கப்பட்டுள்ளது. 

சட்டமன்றத் தேர்தலில் பெரம்பூர் மற்றும் திருச்சி கிழக்கு தொகுதிகளில் போட்டியிட்டு அமோக வெற்றி பெற்ற விஜய், ஒரு தொகுதியை மட்டுமே தக்கவைக்கும் விதிமுறைப்படி திருச்சி கிழக்கு தொகுதியை ராஜினாமா செய்து பெரம்பூரைத் தனது பிரதிநிதித்துவத் தொகுதியாகத் தேர்ந்தெடுத்தார்.

இந்தத் தொகுதி அவருக்கு தனிப்பட்ட முக்கியத்துவம் வாய்ந்தது என்பதால், அதன் மக்களின் குறைகளை நேரடியாகக் கவனிக்கும் வகையில் இந்த செயலியை உருவாக்கியுள்ளார். ஆட்சியின் முதல் 50 நாட்களில் தொகுதிக்கு வராதது குறித்த விமர்சனங்களுக்கு மத்தியிலும், நிர்வாகப் பணிகளுக்கு இடையே இந்த முயற்சியை மேற்கொண்டது அவரது அர்ப்பணிப்பை வெளிப்படுத்துகிறது. 

இதையும் படிங்க: CBI கேட்பீங்களா..? எதிர்க்கட்சிகளை மிரட்டுவீங்களா.? சொல்லுங்க CM..! விளாசிய அப்பாவு..!!

இந்தப் பிரத்யேக செயலியின் மூலம் பெரம்பூர் தொகுதி மக்கள் குடிநீர், சாலை, மின்சாரம், துப்புரவு உள்ளிட்ட அடிப்படை வசதிகள் தொடர்பான புகார்களையும், பல்வேறு கோரிக்கைகளையும் தனித்தனியாகப் பதிவு செய்யலாம். புகார்கள் நேரடியாக முதலமைச்சரின் தனிப்பிரிவுக்கு அனுப்பப்படும். புகார் பதிவு செய்த மூன்று நாட்களுக்குள் நடவடிக்கை எடுக்கப்படும் என்றும், அதிகபட்சமாக 10 நாட்களுக்குள் பிரச்சினைக்கு தீர்வு காணப்பட்டு, அதன் நிலை குறித்து மக்களுக்கு தகவல் தெரிவிக்கப்படும் என்றும் தெரிவிக்கப்பட்டுள்ளது. இந்த டிஜிட்டல் தளம் மக்களுக்கும் அரசு அதிகாரிகளுக்கும் இடையே பலமான பாலமாக அமையும் என எதிர்பார்க்கப்படுகிறது. 

இதையும் படிங்க: "அறிவாலயத்து... அடக்கு வாயை"..! ஒரு அமைச்சரை பாத்து பேசுற பேச்சா..? கொந்தளித்த தவெக..!