தமிழக முதலமைச்சர் சி. ஜோசப் விஜய் பதவியேற்றதிலிருந்து பல்வேறு அரசு நிறுவனங்கள் மற்றும் பொது வசதிகளில் திடீர் ஆய்வுகளை மேற்கொண்டு வருகிறார். இந்த நடைமுறை மக்களிடையே பெரும் கவனத்தை ஈர்த்துள்ளது. அவர் நிர்வாகத்தில் வெளிப்படைத்தன்மையை உறுதிப்படுத்தவும், அதிகாரிகளின் செயல்பாட்டை நேரடியாக கண்காணிக்கவும் இந்த முறையை பின்பற்றுகிறார்.

மே மாதம் தலைமைச் செயலக வளாகத்தில் அவர் முதன்முதலில் இத்தகைய ஆய்வை மேற்கொண்டார். பேட்டரி காரில் வளாகத்தைச் சுற்றி பல்வேறு அலுவலகங்கள், பழமையான கட்டடங்கள் மற்றும் அருங்காட்சியகத்தைப் பார்வையிட்டார். செயின்ட் மேரி தேவாலயம், நாமக்கல் கவிஞர் மாளிகை உள்ளிட்ட இடங்களுக்குச் சென்று விவரங்களைத் தெரிந்துகொண்டார். அரசு ஊழியர்கள் அவரை வரவேற்க திரண்டனர். இது அவரது ஆட்சித் தொடக்கத்தில் நிர்வாகத்தை நேரடியாக அணுகும் அணுகுமுறையை வெளிப்படுத்தியது.

ஜூலை மாதத்தில் சென்னை எழும்பூரில் உள்ள மகப்பேறு மற்றும் குழந்தைகள் மருத்துவமனையில் திடீர் ஆய்வு நடத்தினார். சமூக ஊடகங்களில் வைரலாகப் பரவிய காணொளியில் லஞ்சம் கோருதல், சுகாதாரக் குறைபாடுகள் போன்ற குற்றச்சாட்டுகள் எழுந்த பின்னர் இந்த ஆய்வு நடந்தது. வார்டுகள் மற்றும் தீவிர சிகிச்சைப் பிரிவுகளைப் பார்வையிட்ட அவர், தாய்மார்களிடம் சிகிச்சை மற்றும் வசதிகள் குறித்து கருத்துகளைக் கேட்டார். புதிதாகப் பிறந்த குழந்தைகளை அணைத்துப் பேசினார். சுகாதாரத் துறை அமைச்சருடன் இணைந்து மருத்துவர்கள் மற்றும் ஊழியர்களுடன் ஆலோசித்தார். மருத்துவமனையை ஒருங்கிணைந்த வசதிகளுடன் மேம்படுத்தத் திட்டம் தயாரிக்க உத்தரவிட்டார். லஞ்சம் தொடர்பான புகார்களில் ஈடுபட்டவர்களை பணிநீக்கம் செய்ய நடவடிக்கை எடுக்கப்பட்டது.அதே மாதத்தில் சைதாப்பேட்டையில் உள்ள சமூக நீதி விடுதியில் ஆய்வு மேற்கொண்டார். மாணவர்களுடன் நேரடியாக உரையாடி அவர்களின் குறைகளைக் கேட்டார். உணவு, வசதிகள் மற்றும் பிற பிரச்சினைகள் குறித்து மாணவர்கள் விரிவாக எடுத்துரைத்தனர். 

இதையும் படிங்க: விஜய் பிரதமராக உதவி பண்ணுவீங்களா?... சட்டென வந்து விழுந்த கேள்வி... எதிர்பாராத பதில் கொடுத்த ஜோதிமணி...!

அமைச்சர்கள் மற்றும் அதிகாரிகளுடன் இணைந்து நிலைமையை ஆராய்ந்தார். இந்த விஜயம் சமூக நீதித் துறையின் செயல்பாடுகளை மேம்படுத்தும் முயற்சியின் ஒரு பகுதியாகப் பார்க்கப்பட்டது.மேலும் சென்னை மெட்ரோ ரயிலில் பயணித்து செயல்பாடுகளை ஆய்வு செய்தார். இதன் தொடர்ச்சியாக சென்னை புழல் மத்திய சிறையில் முதலமைச்சர் விஜய் திடீர் ஆய்வு மேற்கொண்டார். சிறைக்கைதிகளின் நிலை, உணவு, பாதுகாப்பு குறித்து கேட்டறிந்த பின் அதிகாரிகளுடன் ஆலோசனை நடத்தினார். 

இதையும் படிங்க: 10.5% இடஒதுக்கீடு பிரச்சனை..! திமுக மீது எடப்பாடி பழனிச்சாமி சரமாரி குற்றச்சாட்டு.! பேரவையில் பரபரப்பு.!