தமிழ்நாட்டின் வளர்ச்சியின் ஒரு முக்கிய அங்கமாக, சென்னை பெருநகரப் பகுதியின் அருகாம் வளர்ச்சியை மேம்படுத்தும் நோக்கில், செங்கல்பட்டு மாவட்டத்தின் மதுராந்தகம் பகுதியில் புதிய சர்வதேச நகரம் அமைக்கும் திட்டம் அறிவிக்கப்பட்டுள்ளது. இந்தத் திட்டம், தமிழக அரசின் நகரமயமாக்கல் மற்றும் உள்கட்டமைப்பு மேம்பாட்டு உத்தியின் ஒரு பகுதியாக உருவெடுத்துள்ளது. 2019ஆம் ஆண்டு காஞ்சிபுரம் மாவட்டத்திலிருந்து பிரித்து உருவாக்கப்பட்ட செங்கல்பட்டு மாவட்டம், சென்னையின் தெற்கு வாசலாகத் திகழ்ந்து வருகிறது. இந்த மாவட்டத்தில் மதுராந்தகம், செய்யூர், திருக்கழுக்குன்றம் போன்ற வட்டங்கள் நெல் உற்பத்தியில் முன்னணியில் இருந்தாலும், நகர வளர்ச்சியின் தேவை அதிகரித்துள்ளது. இப்போது, இந்தப் புதிய சர்வதேச நகரத் திட்டம் அப்பகுதியின் பொருளாதாரம், உள்கட்டமைப்பு மற்றும் வாழ்க்கைத் தரத்தை உயர்த்தும் என எதிர்பார்க்கப்படுகிறது.

செங்கல்பட்டு மாவட்டத்தின் மதுராந்தகம் தாலுகாவில், சுமார் 2,000 ஏக்கர் நிலப்பரப்பில் இந்த நகரம் அமைக்கப்பட உள்ளது. தமிழக அரசு, இதற்கான விரிவான மாஸ்டர் பிளானைத் தயாரிக்க டெண்டர்களை அறிவித்துள்ளது. இது, சென்னை மாநகராட்சி வளர்ச்சி ஆணையம் (CMDA) மூலம் செயல்படுத்தப்படும் எனத் தெரிகிறது. இந்த மாஸ்டர் பிளானின் முக்கிய நோக்கம், சர்வதேச தரத்தில் உள்ள உள்கட்டமைப்பு வசதிகளுடன், வாழ்க்கை, வணிகம் மற்றும் தொழில்துறை இணைந்த ஒரு நவீன நகரத்தை உருவாக்குவது என கூறப்பட்டுள்ளது. இந்தப் பகுதி, சென்னையிலிருந்து சுமார் 80-100 கி.மீ. தொலைவில் அமைந்துள்ளதால், போக்குவரத்து மற்றும் தொழில்நுட்ப ரீதியாக சாத்தியமானது. மதுராந்தகம் ஏரி போன்ற இயற்கை வளங்கள் மற்றும் ஏற்கனவே உள்ள வேளாண் பகுதிகளைப் பாதுகாத்துக்கொண்டு, நகரப்படுத்தல் செய்யப்படும் என அரசு திட்டமிட்டுள்ளது. இந்தப் புதிய சர்வதேச நகரத்தின் முக்கிய அம்சங்களில், உயர்தர வீட்டுவசதிகள், வணிக மையங்கள், தொழில்புரி பூங்காக்கள் மற்றும் சுற்றுலா இடங்கள் அடங்கும்.

செங்கல்பட்டு மாவட்டம் ஏற்கனவே மாமல்லபுரம் போன்ற உலக பாரம்பரிய தலங்களுக்கு அருகில் உள்ளதால், இந்த நகரம் சர்வதேச சுற்றுலா மற்றும் முதலீட்டை ஈர்க்கும் என்றும் உள்கட்டமைப்பு ரீதியாக, சாலை, ரயில்வே மற்றும் விமான நிலைய இணைப்புகள் மேம்படுத்தப்படும் எனவும் உதாரணமாக, சென்னை-மதுராந்தகம் சாலை மற்றும் அருகிலுள்ள போரூர் துறைமுகம் ஆகியவை இதற்கு உதவும். தண்ணீர் விநியோகம், கழிவு மேலாண்மை மற்றும் பசுமை இடங்கள் போன்றவை சர்வதேச நடைமுறைகளின்படி அமைக்கப்படும் என்றும் கூறப்பட்டுள்ளது.

இதையும் படிங்க: முதல்வர் முகத்தை மூடிக்கணும்... எதுக்கு சொன்னோம் தெரியுமா? அதிமுக விமர்சனம்

இதன் மூலம், அப்பகுதியின் மக்கள் தொகை அதிகரிப்பு, வேலைவாய்ப்புகள் உருவாக்கம் மற்றும் பொருளாதார வளர்ச்சி ஏற்படும் என வல்லுநர்கள் கருதுகின்றனர். இந்த நிலையில் செங்கல்பட்டு மாவட்டம் மதுராந்தகத்தில் புதிய சர்வதேச நகரம் அமைப்பதற்கான மாஸ்டர் பிளான் தயாரிக்க டெண்டர் கோரப்பட்டு உள்ளது. தமிழக அரசின் டிட்கோ நிறுவனம் மாஸ்டர் பிளான் தயாரிப்பதற்கான டெண்டர் கோரியுள்ளது.

இதையும் படிங்க: “பார்த்தீங்களா உங்க தலைவர் லட்சணத்த... இனியாவது உஷாரா இருங்க”.. அதிமுகவினரை அலர்ட் செய்த திமுக அமைச்சர்..!