தனியார் பள்ளிகளுக்கு அனுமதி வழங்கும் விவகாரத்தில் கோடிக்கணக்கில் லஞ்சம் பெற்றதாக எழுந்த புகாரில் திமுக முன்னாள் அமைச்சர் அன்பில் மகேஷ் பொய்யாமொழி கைது செய்யப்பட்டுள்ளார். இந்த நிலையில் புழல் சிறைவாசலில் தமிழக வெற்றிக் கழகத்தினரை மிரட்டும் வகையில் பேசிய திமுக கவுன்சிலர் சரவணன் மீது வழக்குப்பதிவு செய்யப்பட்டுள்ளது.

புழல் சிறை நுழைவாயிலில் தமிழக வெற்றிக் கழகத்தினரை மிரட்டும் தொனியில் கவுன்சிலர் சரவணன் பேசியதாகக் கூறப்படும் சம்பவம் அதிர்ச்சியை ஏற்படுத்தியுள்ளது. இந்த நிகழ்வு தொடர்பாக புழல் காவல் நிலையத்தில் அவர் மீது வழக்குப்பதிவு செய்யப்பட்டுள்ளது. கைது செய்யும் நோக்கில் போலீசார் தீவிர தேடுதல் வேட்டையில் ஈடுபட்டுள்ளனர்.

அவரை கைது செய்வதற்காக மூன்று தனிப்படைகள் அமைக்கப்பட்டுள்ளன. வேலூர் பகுதியைச் சேர்ந்த சப் இன்ஸ்பெக்டர் தலைமையிலான தனிப்படை உள்ளிட்ட குழுக்கள் தேடுதல் பணியில் ஈடுபட்டுள்ளன.அன்பில் மகேஷ் பொய்யாமொழி கைது செய்யப்பட்ட சூழலில் நடந்த இந்த மிரட்டல் சம்பவம் அரசியல் வட்டாரங்களில் பரபரப்பை ஏற்படுத்தியுள்ளது.

இதையும் படிங்க: அரசு மருத்துவரை அவமதித்த தவெக எம்.எல்.ஏ.... மீண்டும் சர்ச்சையில் சிக்கிய விஜி சரவணன்...!

தனியார் பள்ளிகள் அனுமதி விவகாரத்தில் பெரும் பணம் பரிமாற்றம் நடந்ததாகக் கூறப்படும் புகாரில் முன்னாள் அமைச்சர் கைது செய்யப்பட்டதைத் தொடர்ந்து, சிறை வாயிலில் நடந்த பேச்சுவார்த்தை மேலும் பதற்றத்தை அதிகரித்துள்ளது. தமிழக வெற்றிக் கழகத்தினருக்கு எதிராக மிரட்டல் தொனியில் பேசியதாகக் குற்றம் சாட்டப்பட்டுள்ள கவுன்சிலர் சரவணனை உடனடியாகக் கைது செய்ய போலீசார் முயற்சித்து வருகின்றனர்.

இதையும் படிங்க: "BLACK TICKET"..! பழக்க தோஷத்துல வித்துடாதீங்க..! ஆவின் பொருட்கள் விலை உயர்வு.. EPS விளாசல் .!!