பேரறிஞர் அண்ணா நினைவு நாள் ஒவ்வொரு ஆண்டும் பிப்ரவரி 3-ஆம் தேதி தமிழ்நாடு முழுவதும் மிகுந்த மரியாதையுடன் அனுசரிக்கப்படுகிறது. இந்நாளில், திராவிட அரசியலின் தந்தையாகவும், தமிழ் மொழி - தமிழ் மக்களின் உயர்வுக்காக அர்ப்பணித்த தலைவராகவும் போற்றப்படும் சி.என். அண்ணாதுரையின் நினைவிடத்தில் அரசியல் தலைவர்கள், கட்சியினர், பொதுமக்கள் அஞ்சலி செலுத்துவது வழக்கம்.

சென்னை மெரினா கடற்கரையில் அமைந்துள்ள அண்ணா நினைவிடம் இந்நாளில் சிறப்பு முக்கியத்துவம் பெறுகிறது. முதலமைச்சர் மு.க.ஸ்டாலின் தலைமையில் அமைதிப் பேரணி நடத்தப்பட்டு, அண்ணா நினைவிடத்தில் அஞ்சலி செலுத்தப்பட்டது. திமுக உள்ளிட்ட கட்சிகள், பொதுமக்கள், பல்வேறு அமைப்புகள் இதில் பங்கேற்று அவரது கொள்கைகளை நினைவுகூர்கின்றனர்.

இந்த நிலையில், அதிமுக பொதுச்செயலாளரும் எதிர்க்கட்சித் தலைவருமான எடப்பாடி கே. பழனிசாமி, பேரறிஞர் அண்ணாவின் கொள்கைகளையும் அவரது பெயரால் தொடங்கப்பட்ட அரசியல் இயக்கத்தின் மரபையும் தொடர்ந்து பின்பற்றுபவராக அறியப்படுகிறார். அண்ணா நினைவு நாள் ஒட்டி அவர் தொடர்ந்து ஆண்டுதோறும் நினைவிடத்திற்குச் சென்று மரியாதை செலுத்தி வருகிறார். இது அவரது அரசியல் பாரம்பரிய மரியாதையையும், திராவிட இயக்கத்தின் வேர்களை மதிக்கும் நிலைப்பாட்டையும் வெளிப்படுத்துகிறது.

இதையும் படிங்க: பேரறிஞர் அண்ணா நினைவு நாள்..! முதல்வர் தலைமையில் அமைதிப் பேரணி..! திமுக முக்கிய அறிவிப்பு..!

இந்த ஆண்டு அண்ணாவின் 57-ஆவது நினைவு நாள் ஒட்டி அதிமுக பொதுச் செயலாளர் எடப்பாடி பழனிசாமி மெரினா கடற்கரையில் உள்ள பேரறிஞர் அண்ணா நினைவிடத்திற்குச் சென்றார். அங்கு மலர் வளையம் வைத்து, மலர்கள் தூவி அஞ்சலி செலுத்தினார். இந்நிகழ்வில் அதிமுக மூத்த தலைவர்கள், முன்னாள் அமைச்சர்கள், கட்சி நிர்வாகிகள் மற்றும் தொண்டர்கள் பெருந்திரளாகக் கலந்து கொண்டனர். 

இதையும் படிங்க: சுயமரியாதை உணர்வில்லாத கட்சி அதிமுக... முதல்வர் ஸ்டாலின் சரமாரி குற்றச்சாட்டு...!