இன்று தமிழ்நாடு சட்டமன்றத் தேர்தலுக்கான வாக்குப்பதிவு முழு மாநிலத்திலும் விறுவிறுப்பாக நடைபெற்று வருகிறது. தமிழ்நாட்டின் 234 சட்டமன்றத் தொகுதிகளிலும் ஒரே கட்டமாக காலை 7 மணி முதல் மாலை 6 மணி வரை வாக்குப்பதிவு நடைபெறுகிறது. இந்தத் தேர்தலில் சுமார் 5.67 கோடி வாக்காளர்கள் தங்கள் ஜனநாயகக் கடமையை ஆர்வத்துடன் நிறைவேற்றி வருகின்றனர்.

காலை முதலே பல்வேறு இடங்களில் வாக்காளர்கள் நீண்ட வரிசையில் காத்திருந்து, உற்சாகத்துடன் வாக்களித்து வருவது கண்கூடாகத் தெரிகிறது. தேர்தல் ஆணையத்தின் ஏற்பாடுகளின்படி, மின்னணு வாக்குப்பதிவு இயந்திரங்கள் மற்றும் வாக்குச்சாவடி அலுவலர்களின் சீரான ஒருங்கிணைப்பில் வாக்குப்பதிவு தடையின்றி நடைபெற்று வருகிறது.

பல தொகுதிகளில், குறிப்பாக நகர்ப்புற மற்றும் கிராமப்புற பகுதிகளில், பெண் வாக்காளர்கள், இளைஞர்கள் மற்றும் முதியவர்கள் உட்பட அனைத்து தரப்பினரும் அதிக அளவில் பங்கேற்று வருகின்றனர். இந்தத் தேர்தல் ஒரு நான்கு முனைப் போட்டியாகக் கருதப்படுகிறது. ஆளும் திராவிட முன்னேற்றக் கழகம் தலைமையிலான கூட்டணி, அகில இந்திய அண்ணா திராவிட முன்னேற்றக் கழகம் தலைமையிலான எதிர்க்கட்சிக் கூட்டணி, விஜய் தொடங்கிய தமிழக வெற்றிக் கழகம் மற்றும் பிற கட்சிகள் இடையே கடுமையான போட்டி நிலவுகிறது. இந்த நிலையில், மயிலாப்பூரில் உள்ள வாக்குச்சாவடியில் ராயபுரம் அதிமுக வேட்பாளர் டி. ஜெயக்குமார் தனது வாக்கைச் செலுத்தினார். தொடர்ந்து செய்தியாளர்களை சந்தித்து பேசிய அவர்,

இதையும் படிங்க: இஸ்லாமிய வாக்கு வேண்டாம்..? நானா சொன்னேன்..? ஜெயக்குமார் கடும் கண்டனம்..!!

இன்று நாங்கள் எங்களது ஜனநாயக உரிமையைப் பயன்படுத்தினோம் என கூறினார். இந்தத் தேர்தல் மிகவும் முக்கியமானது என்றார். இது ஒரு குடும்ப வம்ச ஆட்சிக்கும் 'கஞ்சா' கலாச்சாரத்திற்கும் ஒரு முற்றுப்புள்ளி வைக்கிறது எனவும் தெரிவித்துள்ளார். தமிழகத்தில் சட்டம் ஒழுங்கு மிகவும் மோசமாக உள்ளது" என்று ஜெயக்குமார் கூறியுள்ளார்.

இதையும் படிங்க: என்ன ஆட்டத்துக்கு ரெடியா? 2026-லும் ராயபுரம் தான்...! 7வது முறையாக களமிறங்கும் ஜெயக்குமார்..!!