தமிழக முதலமைச்சர் விஜய் இன்று கோவைக்கு சிறப்பு பயணம் மேற்கொண்டுள்ளார். சென்னையிலிருந்து தனி விமானம் மூலம் புறப்பட்ட அவர் காலை 11 மணியளவில் கோவை விமான நிலையத்தை அடைந்தார். இதன்பின் அவிநாசி சாலை வழியாக சுமார் 11 கிலோமீட்டர் தூரம் சாலை வலம் சென்று காந்திபுரத்தில் உள்ள பெரியார் அறிவுலக வளாகத்தை அடைந்தார். இந்த வருகை அவரது முதல்வராகப் பதவியேற்ற பிறகு கோவையில் அரசு நிகழ்ச்சியில் பங்கேற்கும் முதல் முறையாகும்.

கோவை காந்திபுரம் நஞ்சப்பா சாலையில் மத்திய பேருந்து நிலையம் எதிரே அமைந்துள்ள இந்த பெரியார் அறிவுலகம், சிறைத்துறைக்குச் சொந்தமான சுமார் ஏழு ஏக்கர் பரப்பளவில் கட்டப்பட்டுள்ளது. தமிழக பொதுப்பணித்துறை சார்பில் ரூ.300 கோடி மதிப்பில் உருவாக்கப்பட்ட இந்த வளாகம், தரைத்தளத்துடன் சேர்த்து ஏழு தளங்களைக் கொண்டது. மொத்தம் சுமார் 1.98 லட்சம் சதுர அடி பரப்பளவில் பிரம்மாண்டமாக எழுப்பப்பட்டுள்ள இக்கட்டடம், 2024ஆம் ஆண்டு தொடங்கப்பட்ட கட்டுமானப் பணிகள் முடிவடைந்த நிலையில் இன்று பொதுமக்கள் பயன்பாட்டிற்குத் திறக்கப்படுகிறது.

இந்த அறிவுலகத்தில் ஒரு லட்சத்திற்கும் மேற்பட்ட புத்தகங்கள் இடம்பெற்றுள்ளன. தமிழ், ஆங்கிலம், வரலாறு உள்ளிட்ட பல்வேறு பிரிவுகளில் நூல்கள் வைக்கப்பட்டுள்ளன. மாற்றுத்திறனாளிகளுக்கான தனி நூலகம், குழந்தைகளுக்கான சிறப்பு வாசிப்புப் பகுதி, டிஜிட்டல் நூலகம், மின் நூல்கள், கணினி வசதிகள் ஆகியவை இங்கு உள்ளன. மேலும் 350 பேர் அமரக்கூடிய ஆடிட்டோரியம், அறிவியல் மையம், கோளரங்கம், விண்வெளி தொடர்பான வசதிகள், ஆராய்ச்சிப் படிப்பகங்கள், போட்டித் தேர்வு பயிற்சி மையங்கள், ஸ்டார்ட்அப் நிறுவனங்களுக்கான இன்குபேஷன் மையம் போன்ற நவீன அம்சங்களும் இணைக்கப்பட்டுள்ளன.

இதையும் படிங்க: உதயநிதியின் ஆபாச பேச்சு..! EPS மகன் மிதுனே காரணம்..! அமைச்சர் ஆதவ் அடுக்கடுக்கான குற்றச்சாட்டு..!!

இரு பிளாக்குகளாகப் பிரிக்கப்பட்டுள்ள இந்த வளாகம் கல்வி, அறிவியல் மற்றும் ஆராய்ச்சிக்கு ஒரு முழுமையான மையமாக விளங்குகிறது. இந்த நூலகத்தை திறந்து வைப்பதற்காக முதல்வர் விஜய் சென்னையில் இருந்து சென்றுள்ளார். கோவை விமான நிலையத்திற்கு சென்ற முதல்வர் விஜய் சாலை மார்க்கமாக பெரியார் அறிவு உலகத்திற்கு சென்றுள்ளார். ரோடு ஷோ சென்ற முதல்வர் விஜய்க்கு சாலையின் இரு புறங்களிலும் நின்று உற்சாக வரவேற்பு கொடுத்தனர்.

இதையும் படிங்க: மக்கள் தத்தளிக்கிறது தெரியுதா?... தமிழக பிரச்சனைகளை லிஸ்ட் போட்டு தவெகவை வறுத்தெடுத்த அதிமுக மாஜி...!