காதல் விவகாரத்தால் நிகழும் கொலைகள், குடும்ப உறவினர்கள் அல்லது காதலர்களால் நிகழ்த்தப்படும் கொடூரமான செயல்கள். இவை சாதி, மதம், அல்லது சமூக அழுத்தங்களால் தூண்டப்பட்டவை. தேசிய குற்ற ஆவண காப்பகத்தின் (NCRB) தரவுகளின்படி, 2020-ஆம் ஆண்டில் மட்டும் காதல் பிரச்சினைகளால் 3,031 கொலைகள் நடந்துள்ளன, இது அனைத்து கொலைகளில் 10%க்கும் மேல். இந்த எண்ணிக்கை 2022-இல் 2,821ஆக உயர்ந்து, காதல் மற்றும் திருமண உறவுகள் மூன்றாவது மற்றும் நான்காவது முக்கிய கொலை காரணங்களாக உள்ளன.

இந்த கொலைகள், காதலை ஏற்க மறுத்தால் ஆசிட் அடிப்பது, கத்தியால் குத்துவது, அல்லது உறவினர்களால் ஆணவ கொலை செய்வது போன்ற வடிவங்களில் நிகழ்கின்றன. இவை பெண்களுக்கு எதிரான வன்முறையின் உச்சமாகத் திகழ்கின்றன. ஆனால் ஆண்களும் பாதிக்கப்படுகின்றனர்.இந்த கொலைகளின் வேர்கள் ஆழமான சமூக கட்டமைப்புகளில் உள்ளன. இந்தியாவின் பாரம்பரிய சமூகத்தில், காதல் திருமணங்கள் இன்னும் தடை செய்யப்பட்டவை. சாதி, மதம், அல்லது குடும்ப மரியாதைக்கு எதிரான காதல்கள் குடும்ப இழிவு என்று கருதப்பட்டு, கொலைக்கு வழிவகுக்கின்றன. 

இதனிடையே மயிலாடுதுறை மாவட்டத்தில் காதல் விவகாரத்தில் இளைஞர் ஒருவர் வெட்டி படுகொலை செய்யப்பட்ட சம்பவம் அதிர்ச்சியை ஏற்படுத்தியது. வைரமுத்து என்ற இளைஞர் காதலித்து வந்த நிலையில் அந்தப் பெண்ணின் பெற்றோர் எதிர்ப்பு தெரிவித்துதாக கூறப்படுகிறது. இந்த நிலையில் வைரமுத்து என்ற இளைஞரை ஓட ஓட வெட்டி படுகொலை செய்துள்ளனர்.

இதையும் படிங்க: சும்மா விடமாட்டோம்! ஐரோப்பிய நாடுகளை பழி தீர்ப்போம்! ரஷ்ய அதிபர் புடின் வார்னிங்!

வைரமுத்துவின் மரணத்திற்கு அந்தப் பெண்ணின் தாய் தான் காரணம் எனக் கூறி உறவினர்கள் சாலை மறியலில் ஈடுபட்டனர். வன்கொடுமை தடுப்புச் சட்டத்தின் கீழ் அந்த பெண்ணின் பெற்றோரை கைது செய்ய வேண்டும் என வலியுறுத்தி உள்ளனர். வைரமுத்துவின் உறவினர்கள் சாலை மறியலில் ஈடுபட்டு கதறி துடித்தது காண்போரை கலங்க செய்தது.

இதையும் படிங்க: சாரை சாரையாக குவியும் தொண்டர்கள்...விஜய் சுற்றுப்பயணத்தில் மாற்றம்... தவெக எடுத்த முக்கிய முடிவு!