விடுதலை சிறுத்தைகள் கட்சியில் (விசிக) உள்ளூர் பரபரப்பு ஏற்பட்டுள்ளது. தலைவர் தொல்.திருமாவளவன் திமுகவிடம் அதிக தொகுதிகள் கேட்க வேண்டும் என்று வலியுறுத்தும் நிலையில், கட்சியின் சில முக்கிய நிர்வாகிகளே 'டிமாண்ட் செய்ய வேண்டாம்; திமுக தரும் தொகுதிகளை மட்டும் வாங்கிக்கொள்ளலாம்' என்று அவருக்கு அழுத்தம் கொடுத்து வருவதாக தகவல்கள் வெளியாகியுள்ளன. இது கட்சியின் உள் முரண்பாடுகளை வெளிச்சத்துக்கு கொண்டு வந்துள்ளது.

2021 சட்டமன்ற தேர்தலில் விசிகவுக்கு திமுக 6 தொகுதிகளை மட்டுமே ஒதுக்கியது. அதில் 4 இடங்களில் வென்றது. ஆனால் லோக்சபா தேர்தலில் தனி சின்னத்தில் போட்டியிட்டு 2 தொகுதிகளில் வென்று, மாநில கட்சி அங்கீகாரம் பெற்று விசிக வளர்ச்சியடைந்துள்ளது. இதனால், 2026 சட்டமன்ற தேர்தலில் குறைந்தது 10 அல்லது அதற்கு மேற்பட்ட தொகுதிகளை கேட்க வேண்டும் என திருமாவளவன் உறுதியாக உள்ளார்.

ஆனால் சில விசிக நிர்வாகிகள் திமுகவுடன் நெருக்கமாக இருப்பதால், திருமாவளவனுக்கு மறைமுக நெருக்கடி கொடுக்கப்படுவதாக கூறப்படுகிறது. எம்பி ரவிக்குமார், எம்எல்ஏக்கள் சிந்தனைச்செல்வன், ஷா நவாஸ், பாபு, எஸ்எஸ் பாலாஜி, துணை பொதுச்செயலாளர் வன்னியரசு போன்றோர் முதல்வர் ஸ்டாலின் மற்றும் மூத்த அமைச்சர்களுடன் அடிக்கடி தொடர்பில் உள்ளனர்.

இதையும் படிங்க: இதமட்டும் பண்ணிடாதீங்க! ஓட்டு பூரா விஜய்க்கு போயிரும்! திமுகவுக்கு திருமாவளவன் கொடுத்த வார்னிங்!

தங்கள் தேவைகளை நிறைவேற்றிக் கொள்கின்றனர். இவர்கள் திமுகவை 'உடன் பிறப்பு' போல நடத்துவதாக விமர்சனம் எழுந்துள்ளது.

ஏற்கனவே ஆட்சி பங்கு கோரிய ஆதவ் அர்ஜுனாவை இதே நிர்வாகிகள் மூலம் திமுக விசிகவிலிருந்து வெளியேற்றியதாக கூறப்படுகிறது. இப்போது திருமாவளவன் அதிக தொகுதி கோரினால், '6 அல்லது 8 போதும்; திமுக கொடுப்பதை ஏற்கலாம்' என்று இவர்களை வைத்து நிர்பந்தம் கொடுக்கப்படுவதாக தகவல். பாமகவை கூட்டணிக்கு கொண்டு வர தடை போடும் திருமாவளவனுக்கு இதன் மூலம் அழுத்தம் தரப்படுகிறது.

ஒருவேளை தொகுதி பங்கீட்டில் திருமாவளவன் முரண்டால், விசிகவை உடைக்க திமுக தயங்காது என்று கட்சியின் நெருக்கமான வட்டாரங்கள் கவலை தெரிவித்துள்ளன. திமுக கூட்டணியில் விசிகவின் நிலை என்னவாக இருக்கும் என்பது அடுத்த சில வாரங்களில் தெளிவாகும். இந்த உள் பதற்றம் தமிழக அரசியலில் புதிய சலசலப்பை ஏற்படுத்தியுள்ளது.

இதையும் படிங்க: ராமதாஸை சேர்த்துக்கலாம்?! செல்வப்பெருந்தகை சிபாரிசு! திமுக கூட்டணியில் காங்கிரஸ் - வி.சி.க மோதல்!