ஜெம் கிரானைட்ஸ் நிறுவனத்தின் தலைவரும் பிரபல கிரானைட் தொழிலதிபருமான எண்பத்து நான்கு வயது வீரமணி மீதான போக்சோ வழக்கு தமிழக அரசியலில் பெரும் சர்ச்சையை ஏற்படுத்தியுள்ளது. 2025 அக்டோபர் 6 ஆம் தேதி சென்னையைச் சேர்ந்த ஒரு தன்னார்வலர் மத்திய குற்றப்பிரிவு விபச்சார தடுப்புப் பிரிவில் ஒரு பென்டிரைவைக் கொடுத்து புகார் அளித்தார். அதில் வயதான ஒருவர் சிறுமியுடன் பாலியல் குற்றத்தில் ஈடுபடும் காட்சிகள் இருந்தன. அடுத்த நாளே அக்டோபர் 7 ஆம் தேதி வழக்குப் பதிவு செய்யப்பட்டது.

விசாரணையில் அந்த நபர் வீரமணி என அடையாளம் காணப்பட்டாலும், அப்போதைய திமுக ஆட்சியில் உடனடி கைது நடவடிக்கை எடுக்கப்படவில்லை.பின்னர் நீதிமன்ற உத்தரவின் பேரில் விசாரணை தீவிரமடைந்தது. 2026 ஆகஸ்ட் இறுதியில் வீரமணி, அவருக்கு உதவிய சாந்தி மற்றும் அவரது கணவர் மகேந்திர சிம்ஹன் ஆகியோர் கைது செய்யப்பட்டு சிறையில் அடைக்கப்பட்டனர். விசாரணையில் குறைந்தபட்சம் ஒன்பது சிறுமிகள் பாதிக்கப்பட்டுள்ளதாக தகவல்கள் வெளிவந்தன. வீரமணி தேனாம்பேட்டையில் வாடகைக்கு எடுத்த சொகுசு பங்களாவில் சிறுமிகளை அழைத்து வந்து குற்றங்களில் ஈடுபட்டதாகக் கூறப்படுகிறது.

சாந்தி ரகசியமாக வீடியோ பதிவு செய்திருந்ததாகவும், பின்னர் அது போலீசாரிடம் கிடைத்ததாகவும் தெரிகிறது. வீடியோவில் சிறுமிக்கு கைபேசி போன்ற பரிசுகளைக் கொடுத்து பின்னர் வன்கொடுமை செய்யும் காட்சிகள் இருந்தன. தற்போதைய அரசின் அமைச்சர் சி.டி.ஆர். நிர்மல்குமார் இதுகுறித்து கடுமையாக விமர்சித்துள்ளார். வீடியோ ஆதாரங்கள் இருந்தும் திமுக ஆட்சியில் விசாரணை நிறுத்தப்பட்டதாகவும், யார் உத்தரவிட்டனர் என்றும் கேள்வி எழுப்பியுள்ளார். அப்போதைய முதலமைச்சர் ஸ்டாலின் அறிந்த தொழிலதிபர் என்பதால் பவர் சென்டரை அணுகி தப்பித்திருக்க முடியும் என்றும், முன்னாள் அமைச்சர் ரகுபதி வீரமணியைக் காப்பாற்றும் நோக்கில் பேசுவதாகவும் அவர் குற்றம் சாட்டியுள்ளார்.

இதையும் படிங்க: தமிழகத்தில் மின் தேவை உச்சம்..! மின்சார நெருக்கடியை சமாளிக்க அதிரடி நடவடிக்கை..! அமைச்ச நிர்மல் குமார் பேட்டி..!!

வீடியோவை யார் பார்த்தார்கள், அப்போதைய அமைச்சர் பார்த்தாரா, அதிகாரிகள் பார்த்தனரா என்று நிர்மல்குமார் கேள்விகளை முன்வைத்துள்ளார். இதற்கு பதிலளித்த திமுக முன்னாள் அமைச்சர் ரகுபதி, வீரமணிக்கும் திமுகவுக்கும் தொடர்பில்லை என்றும், வீடியோவில் காட்சிகள் தெளிவாக இல்லாததால் நடவடிக்கை எடுக்க முடியவில்லை என்றும் விளக்கியுள்ளார். வழக்கு பதிவு செய்யப்பட்டாலும் தெளிவான ஆதாரம் இல்லாததால் முன்னேற்றம் ஏற்படவில்லை என்றும், வழக்கை முடித்து வைக்கவில்லை என்றும் அவர் கூறியுள்ளார். வீரமணியை காப்பாற்றும் நோக்கத்திலேயே முன்னாள் அமைச்சர் ரகுபதி பேசுவதாகவும் பவர் சென்டரை அணுகி தான் தப்பித்திருக்க முடியும் எனவும் அமைச்சர் நிர்மல் குமார் தெரிவித்துள்ளார். 

இதையும் படிங்க: தமிழகத்தில் ஊழல்வாதிகளுக்கு பாதுகாப்பில்லை.. அமைச்சர் நிர்மல் குமார் திட்டவட்டம்..!!