தமிழக அரசியலில் தற்போது நடைபெற்று வரும் விவாதங்களுக்கு மத்தியில், இந்திய கம்யூனிஸ்ட் கட்சியின் முன்னாள் மாநிலச் செயலாளர் முத்தரசன் முக்கிய கருத்துகளை வெளியிட்டுள்ளார். அமைச்சர் ஆதவ் அர்ஜுனாவின் சமீபத்திய பேச்சுக்கு பதிலளிக்கும் விதமாக அவர் பேசியதில், இடதுசாரிகளின் ஆதரவு தொடர்பான தெளிவான நிலைப்பாட்டை வெளிப்படுத்தினார்.

தமிழக வெற்றிக் கழகம் ஆட்சி அமைத்த சூழலில், தனிப்பெரும்பான்மை இல்லாத நிலையில் சிபிஐ மற்றும் சிபிஎம் உள்ளிட்ட இடதுசாரிக் கட்சிகள் வெளியிலிருந்து ஆதரவு அளித்தன. அந்த ஆதரவுக்கு அடிப்படையான நோக்கம் என்னவென்பதை முத்தரசன் விளக்கினார். மறைமுகமாக பாஜக ஆட்சிக்கு வழிவகுக்கும் முயற்சிகளை முறியடிப்பதற்காகவே தவெகவுக்கு ஆதரவு அளிக்கப்பட்டதாக அவர் குறிப்பிட்டார்.

ஆளுநர் மூலம் ஆட்சி கலைக்கப்பட்டு பாஜக ஆதரவு ஆட்சி உருவாகும் சூழலைத் தவிர்ப்பதும், ஜனநாயகம் பாதுகாக்கப்பட வேண்டும் என்ற உறுதியும் அந்த முடிவின் பின்னணியில் இருந்தன. இந்த முடிவுக்கு வருத்தப்படவில்லை என்றும் அவர் தெரிவித்தார்.

இதையும் படிங்க: விளையாட்டு உட்கட்டமைப்பில் தமிழ்நாடு 30 ஆண்டுகள் பின்தங்கிவிட்டது! அமைச்சர் ஆதவ் அர்ஜுனா பேட்டி!

அமைச்சர் ஆதவ் அர்ஜுனா மதுராந்தகம் பகுதியில் நடந்த கூட்டத்தில் பேசியபோது, கம்யூனிஸ்ட் கட்சிகள் மீது வருத்தம் தெரிவித்ததாகவும், கடந்த திமுக ஆட்சியில் நடைபெற்ற ஊழல் குறித்து அவர்கள் நெஞ்சை நிமிர்த்தி பேச முடியுமா எனக் கேள்வி எழுப்பியதாகவும் தெரிகிறது. அந்தப் பேச்சைக் குறிப்பிட்டு முத்தரசன், அதை ஒருபொருட்டாகவே எடுத்துக்கொள்ளவில்லை எனக் கூறினார். அமைச்சருக்கு திடீரென ஏன் இடதுசாரிகள் மீது கோபம் வந்தது எனத் தெரியவில்லை என்றும் அவர் கேள்வி எழுப்பினார்.

இதையும் படிங்க: விரைவில்..!! தமிழ்நாட்டில் "MOTOR SPORTS CITY"..! அமைச்சர் ஆதவ் தகவல்..!