ஈரோடு மாவட்டத்தில் உள்ள ஒரு செல்வந்த வணிகக் குடும்பத்தில், 1879ஆம் ஆண்டு செப்டம்பர் 17ஆம் தேதி பிறந்தார் தந்தை பெரியார். அவரது பெற்றோர் வெங்கடப்பா நாயக்கரும், சின்னத் தாயம்மாளும் ஆவர். இளம் வயதிலேயே, பெரியார் சமூகத்தில் நிலவிய மூடநம்பிக்கைகள், சாதி அடக்குமுறைகள், மற்றும் பெண்களுக்கு எதிரான பாகுபாடுகளை கவனித்து, அவற்றை எதிர்க்கும் மனப்பான்மையைக் கொண்டவர். 

தந்தை பெரியார் என்று அன்புடன் அழைக்கப்படும் ஈ.வெ.ராமசாமி அவர்களின் பிறந்த நாள், தமிழ்நாட்டின் சமூக மாற்ற இயக்கங்களில் மிக முக்கியமான ஒரு நாளாக கொண்டாடப்படுகிறது. பெரியார், சமூக நீதி, பகுத்தறிவு, பெண்ணுரிமை, மற்றும் சாதி ஒழிப்பு ஆகியவற்றிற்காக தனது வாழ்நாள் முழுவதும் போராடியவர். இந்த நாள், தமிழ்நாடு மற்றும் பிற பகுதிகளில் உள்ள திராவிட இயக்க ஆதரவாளர்களால் மிகுந்த மரியாதையுடனும், உற்சாகத்துடனும் கொண்டாடப்படுகிறது. 

பெரியாரின் பிறந்த நாள், அவரது மிக முக்கியமான பங்களிப்புகளில் ஒன்றான பெண்ணுரிமைக்கு அவர் ஆற்றிய பணிகளையும் நினைவு கூர்கிறது. பெண்களுக்கு கல்வி, வேலைவாய்ப்பு, மற்றும் சம உரிமைகளை வலியுறுத்தியவர் பெரியார். அவர் திருமண முறைகளை சீர்திருத்தவும், விதவை மறுமணம், பெண்களுக்கு சொத்துரிமை போன்றவற்றை ஊக்குவிக்கவும் தொடர்ந்து பாடுபட்டார். 

இதையும் படிங்க: அரசியல்ல சொகுசு கேக்குதா? அன்புக்கரங்கள் திட்டத் தொடக்க விழாவில் முதல்வர் ஃபயர் ஸ்பீச்..!

தந்தை பெரியாரின் பிறந்த நாள் இன்று கொண்டாடப்படும் நிலையில் அவரை முதலமைச்சர் ஸ்டாலின் நினைவு கூர்ந்து உள்ளார். தந்தை பெரியார் இனப்பகையைச் சுட்டெரிக்கும் பெருநெருப்பு என்று வெளியே. தமிழினத்தின் எழுச்சிக்கான பகுத்தறிவுப் பேரொளி என்றும் தந்தை பெரியார் என்றும் எங்கும் நிலைத்திருப்பார் எனவும் தெரிவித்தார். 

இதையும் படிங்க: SIR- ஐ எதிர்ப்போம்! பேரறிஞர் அண்ணா பிறந்த நாளில் உறுதிமொழி ஏற்ற முதல்வர் ஸ்டாலின்...