மாண்புமிகு பிரதமர் அவர்களே இது தமிழ்நாட்டின் இறுதி எச்சரிக்கை என்று குறிப்பிட்டு முதல்வர் ஸ்டாலின் வீடியோ ஒன்றை வெளியிட்டுள்ளார். தமிழ்நாடு, மேற்கு வங்க தேர்தலுக்கு மத்தியில் வலுக்கட்டாயமாக ஏப்ரல் 16ஆம் தேதி நாடாளுமன்ற கூட்டத்தொடர் கூட்டப்படுகிறது என்று குறிப்பிட்டுள்ளார் தொகுதி மறு வரையறை தொடர்பான சட்ட திருத்தத்தை மேற்கொள்வதற்காக 16ஆம் தேதி நாடாளுமன்றம் கூடுவதாகவும் தெரிவித்துள்ளார்.
தமிழ்நாட்டின் வாசல் வரை ஆபத்து வந்துவிட்டதாக முதலமைச்சர் ஸ்டாலின் தனது வீடியோவில் எச்சரிக்கை விடுத்துள்ளார். குடும்ப கட்டுப்பாட்டு நடவடிக்கையை சிறப்பாக மேற்கொண்ட தமிழகத்திற்கு தொகுதி மறுவறையில் தண்டனையா என்ற கேள்வி எழுப்பினார். தொகுதி மறுவரையில் தென் மாநிலங்களுக்கு பாதிப்பு இல்லை என்ற உத்தரவாதத்தை பிரதமர் மோடி தரவில்லை என்றும் குறிப்பிட்டு பேசினார். தமிழ்நாட்டை பாதிப்பது போல வட மாநிலங்களுக்கு அரசியல் வலிமையை வழங்குவது போல ஏதாவது நடந்தால் தமிழ்நாடே போராடும் என்று தெரிவித்தார்.
அவசர அவசரமாக தொகுதி மறு வரையறை செய்வதற்கு முயற்சிப்பது தென் மாநில உரிமை படுகொலை என்று குறிப்பிட்டுள்ளார். தேர்தல் ஆட்சி அதிகாரம் எல்லாம் எங்களுக்கு இரண்டாம் பட்சம் தான். என்றும் கொள்கையும் மாநில உரிமையும் தான் முக்கியம் எனவும் பேசினார். வடமாநிலங்களுக்கு வாரி வழங்குவதை போல ஏதாவது நடந்தால் வேடிக்கை பார்த்துக் கொண்டிருக்க மாட்டோம் என்றும் எச்சரித்துள்ளார்.
இதையும் படிங்க: தேர்தல் பரப்புரையில் ஈடுபட்டிருந்த திமுக வேட்பாளருக்கு இந்த நிலையா?.... சாத்தூரில் நடந்த பகீர் சம்பவம்...!
எங்கள் கவனம் தேர்தலில் இருக்கும் என்று எண்ணி கமுக்கமாக தொகுதி மறுவறையை முன்னெடுப்பதாகவும் தமிழ்நாட்டுக்கு பாதிப்பு என்றால் பழைய திமுகவை பார்க்க வேண்டி இருக்கும் என்றும் தெரிவித்துள்ளார். திராவிட பெரிய இயக்கத்தை சேர்ந்த நாங்கள் சுயமரியாதை காரர்கள் என்றும் எங்களுக்கு கொள்கைதான் முக்கியம் எனவும் முதல்வர் ஸ்டாலின் தெரிவித்தார்.
நான் தமிழ்நாட்டின் முதலமைச்சர் மட்டுமல்ல திராவிட பேரியக்கமான திமுகவின் தலைவர் என்ற முதல்வர் ஸ்டாலின் கூறியுள்ளார். தொகுதி மறு வரையறை தொடர்பாக தமிழ்நாட்டில் விடுக்கப்படுவது மிரட்டல் அல்ல என்று கூறியுள்ள முதல்வர் ஸ்டாலின் இறுதி எச்சரிக்கை என்றும் தெரிவித்துள்ளார்.
இதையும் படிங்க: திமுக வேட்பாளர் கடற்கரை ராஜ் வீட்டில் 122 சவரன் நகை கொள்ளை..!! பரப்புரைக்கு சென்றபோது துணிகரம்..!!