தமிழ்நாடு சட்டமன்றத்தில் சமீபத்தில் நடந்த ஒரு அமர்வில், எதிர்பாராத வகையில் ஒரு சுவாரஸ்யமான நிகழ்வு நடந்தது. ஓ. பன்னீர் செல்வத்தின் தீவிர ஆதரவாளரும், உசிலம்பட்டி தொகுதி சட்டமன்ற உறுப்பினருமான ஐயப்பன் அவர்கள், தனது பேச்சின் போது தற்போதைய முதலமைச்சர் மு.க. ஸ்டாலின் அவர்களை வெளிப்படையாக பாராட்டி, அடுத்து வரும் தேர்தலில் மீண்டும் ஆட்சிக்கு வர வேண்டும் என்று விருப்பம் தெரிவித்தார்.

இது அரசியல் வட்டாரத்தில் பெரும் பரபரப்பை ஏற்படுத்தியது. ஐயப்பன் தனது உரையில், எம்.ஜி.ஆர். மற்றும் ஜெயலலிதா ஆகியோரின் ஆசியுடன், மு.க. ஸ்டாலின் மீண்டும் முதலமைச்சராக வர வேண்டும் என்று வாழ்த்து தெரிவித்தார். “வருகின்ற தேர்தலில் எம்.ஜி.ஆர் ஆசியோடும் ஜெயலலிதா ஆசியோடும் முதல்வர் மு.க.ஸ்டாலின் மீண்டும் மீண்டும் வெற்றி பெற வேண்டும்” என்று கூறினார்.

ஓபிஎஸ் அவர்களின ஆதரவாளராக இருந்து வரும் ஒருவர் இப்படி பேசியது, அதிமுகவின் உள் பிளவுகளுக்கு இடையே திமுக ஆட்சியின் மீதான ஏற்பட்டிருக்கும் ஏதோ ஒரு அங்கீகாரத்தை காட்டுவதாக பார்க்கப்பட்டது.இந்தப் பேச்சு சட்டமன்றத்தில் நடந்தபோது, முதலமைச்சர் ஸ்டாலின் அமைதியாக கேட்டு, சிரித்தபடி ரசித்துக் கொண்டிருந்த காட்சி பலரது கவனத்தை ஈர்த்தது. சிலர் இதை “கண் கொள்ளா காட்சி” என்று கூட சமூக வலைதளங்களில் பகிர்ந்தனர்.

இதையும் படிங்க: திமுக தான் மீண்டும் ஆட்சிக்கு வரும்... ஸ்டாலின் பக்கம் சாயும் ஓபிஎஸ்? அரசியலில் திருப்புமுனை..!!

ஓபிஎஸ் வாழ்த்துக்களுடன் இணைந்து ஸ்டாலின் ஆட்சி தொடர வேண்டும் என்று ஐயப்பன் கூறியது, தற்போதைய அரசியல் சூழலில் மிகவும் கவனிக்கத்தக்கதாக அமைந்தது.இது 2026 சட்டமன்றத் தேர்தலுக்கு முன்பு நடந்த ஒரு சம்பவம் என்பதால், அதிமுக-திமுக இடையேயான போட்டியில் புதிய திருப்பங்களை ஏற்படுத்தலாம் என்ற எதிர்பார்ப்பு எழுந்துள்ளது. Mla ஐயப்பனின் இந்தப் பேச்சு, கட்சி விசுவாசத்திற்கு அப்பால் தமிழக மக்களின் நலனை முன்னிலைப்படுத்தும் ஒரு அணுகுமுறையை பிரதிபலிப்பதாக சிலர் கருதுகின்றனர். மொத்தத்தில், இது தமிழக அரசியலில் பேசுபொருளாக மாறிய ஒரு நிகழ்வாக இருந்தது.

இதையும் படிங்க: ட்விஸ்ட் மேல ட்விஸ்ட்...! முதல்வருடன் OPS திடீர் சந்திப்பு...!! சூடு பிடிக்கும் அரசியல்..!!