தமிழகத்தில் ரேஷன் குடும்ப அட்டைதாரர்களுக்கான அரிசி மற்றும் அத்தியாவசியப் பொருட்களின் விநியோகம் சீராக உள்ளதாகவும், அரிசி விலை உயர்வால் சாமானியப் பொதுமக்களுக்கு எந்தவிதப் பாதிப்பும் ஏற்படாது என்றும் தமிழ்நாடு உணவு மற்றும் நுகர்வோர் பாதுகாப்புத் துறை அமைச்சர் வெங்கட்ரமணன் மிகத் தெளிவாகத் தெரிவித்துள்ளார்.

திண்டுக்கல் மாவட்டம் பழனி அருள்மிகு தண்டாயுதபாணி சுவாமி திருக்கோயிலுக்கு வருகை தந்த அமைச்சர் வெங்கட்ரமணன், பழனி மலை அடிவாரத்திலிருந்து விஞ்ச் (Winch) மூலமாக மலைக்கோயிலுக்குச் சென்று சாமி தரிசனம் செய்தார். சுவாமி தரிசனத்தை முடித்துக் கொண்டு திரும்பிய அமைச்சர், திருக்கோயில் வளாகத்தில் செய்தியாளர்களைச் சந்தித்துப் பேசினார்.

அப்போது பேசிய அமைச்சர், தமிழ்நாட்டில் உள்ள நியாயவிலைக் கடைகளில் குடும்ப அட்டைதாரர்களுக்கான பயோமெட்ரிக் விரல்ரேகை பதிவு செய்யும் பணிகள் மிகத் தீவிரமாக நடைபெற்று வருகின்றன. இதுவரை மாநிலம் முழுவதும் சுமார் 2 லட்சம் குடும்ப அட்டைதாரர்கள் தங்களது கைரேகையைப் வெற்றிகரமாகப் பதிவு செய்துள்ளனர். இதில் முதியவர்கள், நோயாளிகள் மற்றும் மாற்றுத்திறனாளிகள் கைரேகை பதிவு செய்யும் போது சந்திக்கும் நடைமுறைச் சிரமங்களைப் போக்கச் சிறப்பு நடவடிக்கைகள் மற்றும் மாற்றுக் வழிமுறைகள் உடனடியாக மேற்கொள்ளப்பட்டு வருகின்றன என்று கூறினார்.

இதையும் படிங்க: முஸ்லிம் கைதிகளுக்கு பரோல்? தமிழக அரசின் புதிய ஆலோசனை பரபரப்பு!

தொடர்ந்து வெளிச்சந்தையில் அரிசி விலை உயர்வு குறித்த கேள்விக்குப் பதிலளித்த அவர், தமிழகத்தில் பெரும்பாலான சாமானிய மக்கள் அன்றாடம் பயன்படுத்தும் பொதுவான அரிசி வகைகளின் விலையில் பெரிய அளவில் எந்தவொரு ஏற்றமும் இல்லை. ஆந்திரா, கர்நாடகா உள்ளிட்ட வெளிமாநிலங்களில் இருந்து இறக்குமதி செய்யப்படும் சில குறிப்பிட்ட சன்னரக அரிசி வகைகளின் விலை மட்டுமே தற்காலிகமாக உயர்ந்துள்ளது. எனவே, இதன் காரணமாகத் தமிழகச் சாமானிய மக்களுக்கு அரிசி விலை உயர்வால் பெரிய அளவில் எந்தவொரு பொருளாதாரப் பாதிப்பும் ஏற்படாது என்று உணவுத்துறை அமைச்சர் வெங்கட்ரமணன் உறுதியளித்துள்ளார்.

இதையும் படிங்க: "கைதிகளுக்கும் உரிமைகள் உண்டு!" சிறை ஆய்வு விவகாரத்தில் உயர் நீதிமன்ற மதுரை கிளை அதிரடி!