நகர்ப்புறப் போக்குவரத்து மற்றும் பயணிகள் வசதியை மேம்படுத்தும் நோக்கில், ரூ.14.79 கோடி செலவில் மறுசீரமைப்பு செய்யப்பட்டுள்ள சென்னை பூங்கா இரயில் நிலையத்தைப் பிரதமர் நரேந்திர மோடி அவர்கள் வரும் ஜூலை 17-ஆம் தேதி காணொளி வாயிலாகத் திறந்து வைக்க உள்ளார் என்று ரயில்வே துறை தெரிவித்துள்ளது.
தமிழகத்தில் புதிய தவெக அரசு பொறுப்பேற்று நிர்வாகப் பணிகளைக் கவனித்து வரும் தற்போதைய சூழலில், மத்திய ரயில்வே அமைச்சகத்தின் இந்தத் திட்டத் திறப்பு விழா விபரங்கள் கோட்டை வட்டாரங்கள் மற்றும் பொதுமக்கள் மத்தியில் முக்கியத்துவம் பெற்றுள்ளன. மத்திய அரசின் 'அம்ரித் பாரத் ரெயில் நிலையத் திட்டத்தின்' கீழ், நாடு முழுவதும் புதிய வசதிகளுடன் புதுப்பிக்கப்பட்ட 75 இரயில் நிலையங்களைப் பிரதமர் நரேந்திர மோடி அவர்கள் ஒரே நேரத்தில் நாட்டுக்கு அர்ப்பணிக்க உள்ளதாகத் தெரிவிக்கப்பட்டுள்ளது.
இதையும் படிங்க: இந்தியாவின் முதல் ஹைட்ரஜன் ரயில்! ஜூலை 17-ல் தொடங்கி வைக்கிறார் பிரதமர் மோடி!
சென்னை பூங்கா இரயில் நிலைய மறுசீரமைப்புப் பணிகளின் விபரங்கள் பின்வருமாறு: பயணிகள் மற்றும் மாற்றுத்திறனாளிகளின் வசதிக்காக எஸ்கலேட்டர்கள், லிஃப்ட் வசதிகள், அகலப்படுத்தப்பட்ட நடைமேடைகள், டிஜிட்டல் தகவல் திரைகள் மற்றும் நவீன காத்திருப்பு அறைகள் இந்த நிதியின் கீழ் கட்டி முடிக்கப்பட்டுள்ளன. சென்னை சென்ட்ரல் மற்றும் எழும்பூர் ஆகிய முக்கிய இரயில் நிலையங்களை இணைக்கும் இந்த பூங்கா நிலையத்தின் மேம்பாடு, நாள்தோறும் பயணிக்கும் பொதுமக்களின் பயண நேரத்தைக் குறைக்கும் என எதிர்பார்க்கப்படுகிறது.
இதையும் படிங்க: பொருளாதார ஒத்துழைப்பில் வலுவான பாதை.. புதிய உச்சம் தொட்ட இந்தியா-ஆஸ்திரேலிய உறவு..!!