சென்னை: பஞ்சாப் மாநிலத்தில் எல்லை பாதுகாப்பு படை (பி.எஸ்.எப்.) தலைமையகம் உள்ளிட்ட இரு முக்கிய இடங்களில் அடுத்தடுத்து நடந்த குண்டு வெடிப்பு சம்பவங்கள் நாடு முழுவதும் பெரும் அதிர்ச்சியை ஏற்படுத்தியுள்ள நிலையில், தமிழகத்திலும் பாதுகாப்பு ஏற்பாடுகள் தீவிரப்படுத்தப்பட்டுள்ளன. மத்திய உளவுத் துறை தமிழக அரசுக்கு எச்சரிக்கை விடுத்துள்ளது.

பஞ்சாபில் மே 5-ம் தேதி இரவு ஜலந்தர் மற்றும் அமிர்தசரஸ் அருகே உள்ள பி.எஸ்.எப். தலைமையகம் மற்றும் ராணுவ முகாம் அருகில் இரு குண்டு வெடிப்புகள் ஏற்பட்டன. இந்த சதிச் செயல்களுக்குப் பின்னணியில் பாகிஸ்தான் உளவு அமைப்பான ஐ.எஸ்.ஐ. இருப்பதாக சந்தேகம் எழுந்துள்ளது. 

இந்த சம்பவங்கள் தேசிய பாதுகாப்புக்கு பெரும் அச்சுறுத்தலை ஏற்படுத்தியுள்ளதால், மத்திய உள்துறை அமைச்சகம் அனைத்து மாநிலங்களுக்கும் உயர் எச்சரிக்கை விடுத்து பாதுகாப்பை பலப்படுத்த உத்தரவிட்டுள்ளது.

இதையும் படிங்க: உதயநிதி ஸ்டாலின் வீட்டுக்கு அதிகரிக்கும் பாதுகாப்பு!! திமுக + அதிமுக கூட்டணி ஆட்சியா? அதிகரிக்கும் பதற்றம்!

தமிழகத்தில் தற்போது புதிய அரசு பொறுப்பேற்காத அனிச்சய சூழல் நிலவும் நிலையில், கல்பாக்கம் அணு மின் நிலையம் உள்ளிட்ட உணர்வுப்பூர்வமான மற்றும் முக்கிய இடங்களில் பாதுகாப்பை உடனடியாக பலப்படுத்துமாறு மத்திய உளவுத் துறை எச்சரிக்கை அனுப்பியுள்ளது. இது தொடர்பாக கவர்னர் அலுவலகம் மற்றும் டி.ஜி.பி. அலுவலகத்துக்கு சிறப்பு கடிதம் அனுப்பப்பட்டுள்ளது.

இதையடுத்து, தமிழக போலீஸ் தரப்பில் உடனடி நடவடிக்கை எடுக்கப்பட்டுள்ளது. மண்டல ஐ.ஜி.க்கள் மற்றும் மாவட்ட எஸ்.பி.க்களுக்கு உத்தரவுகள் பிறப்பிக்கப்பட்டு, முக்கிய நகரங்கள், தொழிற்சாலைகள், ரயில் நிலையங்கள், விமான நிலையங்கள் மற்றும் அணு மின் நிலையங்கள் உள்ளிட்ட இடங்களில் பாதுகாப்பு பலப்படுத்தப்பட்டுள்ளது. வாகன சோதனைகள் தீவிரப்படுத்தப்பட்டு, சந்தேகத்துக்குரிய நபர்கள் மீது கண்காணிப்பு அதிகரிக்கப்பட்டுள்ளது.

தேசிய அளவில் பாதுகாப்பு அச்சுறுத்தல் அதிகரித்துள்ள இந்த சூழலில், தமிழகம் போன்ற மாநிலங்களும் உஷார் நிலையில் உள்ளன. குறிப்பாக அணு சக்தி தொடர்பான நிறுவனங்கள் மற்றும் பொது இடங்களில் கூடுதல் கண்காணிப்பு போடப்பட்டுள்ளது. பொதுமக்கள் விழிப்புடன் இருக்குமாறு அதிகாரிகள் கேட்டுக் கொண்டுள்ளனர்.

பஞ்சாப் சம்பவம் தொடர்பான விசாரணை தீவிரமாக நடைபெற்று வரும் நிலையில், நாடு முழுவதும் உள்ள மாநிலங்கள் உயர் எச்சரிக்கையுடன் செயல்பட்டு வருகின்றன. தமிழகத்தில் பாதுகாப்பு ஏற்பாடுகள் முழு அளவில் செயல்படுத்தப்பட்டுள்ளதால், எந்தவித அசம்பாவிதமும் ஏற்படாமல் தடுக்க முடியும் என அதிகாரிகள் நம்பிக்கை தெரிவித்துள்ளனர். 

இதையும் படிங்க: திக்.. திக்.. நிமிடங்கள்..! விஜய் ஆட்சி அமைப்பாரா..? தவெக ஆதரவு சிபிஎம் ஆலோசனை..!