தமிழ்நாட்டின் தென்கோட்டை நெல்லை மாவட்டத்தில், எலி காய்ச்சல் (லெப்டோஸ்பைரோசிஸ்) தொற்று அதிகரிப்புக்கு இடையில், மேலத்திடியூர் அருகேயுள்ள ஒரு தனியார் கல்லூரியில் வங்கி பணியாளர் தேர்வுக்கு சுகாதாரத்துறை அனுமதி அளித்துள்ளது. இது மாணவர்கள் மற்றும் தேர்வெழுதும் நபர்களிடையே கவலையை ஏற்படுத்தியுள்ளது. திட்டமிட்டபடி நாளை (அக்டோபர் 12) நடைபெறவுள்ள இந்தத் தேர்வு, தொற்று கட்டுப்பாட்டுப் பணிகளுக்கு இடையில் நடப்பது குறித்து சர்ச்சை எழுப்பியுள்ளது.

திருநெல்வேலி மாவட்டம் மேலத்திடியூரில் செயல்படும் தனியார் கல்லூரி, வங்கி மற்றும் நிதி சேவைகளுக்கான தொழில்நுட்ப படிப்புகளில் சிறந்து விளங்கும் நிறுவனமாக அறியப்படுகிறது. இந்தக் காலாண்டில், தேசிய அளவிலான வங்கி தேர்வுகளுக்காக 500-க்கும் மேற்பட்ட மாணவர்கள் இதற்கான தயாரிப்பு பயிற்சியில் ஈடுபட்டு வந்தனர்.

இதையும் படிங்க: கண்காணிப்பு வளையத்திற்குள் 100 மாணவர்கள்; தனியார் கல்லூரியை சுத்துப்போட்ட சுகாதாரத்துறை - நெல்லையில் பரபரப்பு...!

இந்நிலையில் கல்லூரியின் பழைய கட்டிடத்தில் உள்ள வகுப்பறைகளில், சில மாணவர்கள் திடீரென காய்ச்சல், தலைவலி, தசைவலி மற்றும் கால் வலி போன்றவற்றால் அவதிப்பட்டனர். ஆரம்பத்தில் வழக்கமான viral fever என்று கருதப்பட்டது. ஆனால், அருகிலுள்ள அரசு மருத்துவமனையில் நடத்தப்பட்ட இரத்தப் பரிசோதனைகளில், 15 மாணவர்களுக்கு எலி காய்ச்சல் (Leptospirosis) உறுதி செய்யப்பட்டது. இந்த நோய், எலிகளின் சிறுநீர் மூலம் பரவும் Leptospira bacteria காரணமாக ஏற்படுகிறது. கல்லூரி சுற்றுப்புறத்தில் உள்ள பழைய கட்டிடங்கள் மற்றும் மழைக்காலத்தில் சேரும் தேங்கிய நீர், இதற்குக் காரணமாக இருக்கலாம் என்று மருத்துவர்கள் கூறுகின்றனர்.

இதனையடுத்து உடனடியாக, கல்லூரி நிர்வாகம் சுகாதாரத்துறையைத் தொடர்பு கொண்டு, கல்லூரியை தற்காலிகமாக மூட அறிவிப்பு வெளியிட்டது. தற்போது, அனைத்து வகுப்புகளும் ஆன்லைன் முறையில் நடைபெறுகின்றன. பாதிக்கப்பட்ட மாணவர்கள் அனைவரும் திருநெல்வேலி அரசு மருத்துவக் கல்லூரி மருத்துவமனையில் சிகிச்சை பெற்று வருகின்றனர். அவர்களின் நிலைமை இப்போது நிலையானதாக உள்ளது. இந்த சம்பவம், தமிழகத்தில் உள்ள பல தனியார் கல்வி நிறுவனங்களில் சுகாதார நிலைமைகளை மேம்படுத்த வேண்டும் என்பதை வலியுறுத்துகிறது.

மாணவர்களுக்கு எலி காய்ச்சல் உறுதி செய்யப்பட்டதால் கல்லூரி தற்காலிகமாக மூடப்பட்ட நிலையில், வங்கி பணிகளுக்கான தேர்வு திட்டமிட்டபடி நாளை நடைபெறும் என அறிவிக்கப்பட்டுள்ளது. வங்கி தேர்வு நடைபெறுவதற்கு சுகாதாரத்துறை அதிகாரிகள் இன்று ஆய்வு செய்தனர். "தேர்வு அறைகள், கழிப்பறைகள், பொதுவெளிகள் முழுமையாக சுத்தம் செய்யப்பட்டுள்ளன. கிருமி நாசினி தெளித்து, எலி கட்டுப்பாட்டுப் பணிகள் முடிவடைந்துள்ளன.

மாஸ்க் அணிதல், சமூக இடைவெளி கடைப்பிடிக்கப்பட்டால் தேர்வு நடத்துவதற்கு எந்தத் தடையும் இல்லை" என சுகாதாரத்துறை அதிகாரி தெரிவித்தார். கல்லூரி நிர்வாகம், தேர்வு மையத்தைச் சுத்தம் செய்ய 24 மணி நேரம் செலவழித்ததாகக் கூறுகிறது. தேர்வெழுத வரும் நபர்களுக்கு காய்ச்சல் பரிசோதனை நடத்தி, அனுமதி அளிப்பதாகவும் அறிவிக்கப்பட்டுள்ளது.

எனினும், இந்த முடிவுக்கு மாணவர்கள் மற்றும் அவர்களது குடுமபத்தினர் கடும் எதிர்ப்பு தெரிவித்துள்ளனர். "கல்லூரியில் தொற்று உள்ள நிலையில் தேர்வு நடத்துவது ஆபத்தானது. மாணவர்களின் உயிருக்கு ஆபத்து" என பெற்றோர்கள் தெரிவிக்கின்றனர். தமிழ்நாட்டில் எலி காய்ச்சல் தொற்று அதிகரிப்புக்கு காரணம், கடந்த மாத மழைக்காலத்தில் வடிகால் மாசுபாடு. சுகாதாரத்துறை, எலி ஒழிப்பு, தண்ணீர் சுத்திகரிப்பு போன்ற நடவடிக்கைகளை வலியுறுத்தியுள்ளது.

இதையும் படிங்க: எலிக்காய்ச்சல் எதிரொலி... கல்லூரியை இழுத்து மூடுங்க... சுகாதாரத்துறை கறார் உத்தரவு...!