தென்மேற்கு வங்க கடல் பகுதிகளில் மேல் வளிமண்டல மேலடுக்கு சுழற்சி நிலவும் நிலையில், குமரிக்கடலை ஒட்டி உள்ள பகுதிகளின் மேல் ஒரு வளிமண்டல மேலடுக்கு சுழற்சி நிலவுவதாக வானிலை மையம் தெரிவித்துள்ளது.

இதன் காரணமாக இன்று தமிழகத்தின் அநேக இடங்களிலும் புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசானது முதல் மிதமான மழை பெய்யும் என்று கூறியிருந்தது.

குறிப்பாக கோவை மற்றும் நீலகிரி மாவட்டங்களில் இடி மின்னலுடன் இன்று கன முதல் மிக கனமழைக்கு வாய்ப்புள்ளதாக வானிலை மையம் கூறுகின்றது. வரும் 10 ஆம் தேதி வரை தமிழகத்தில் மழைக்கு வாய்ப்பு உள்ளதாக தெரிவிக்கப்பட்ட நிலையில், நீலகிரி, கோவை மாவட்டங்களுக்கு நாளை அதிக கன மழை பெய்வதற்கான ரெட் அலர்ட் விடுக்கப்பட்டுள்ளது.

இதையும் படிங்க: உஷாரா இருங்க மக்களே! கனமழை அப்டேட்.. எந்தெந்த மாவட்டங்கள் தெரியுமா?

தேனி மற்றும் தென்காசி மாவட்டங்களில் நாளை மிக கனமழை பெய்வதற்கான ஆரஞ்சு அலர்ட் கொடுக்கப்பட்டுள்ளது. கிருஷ்ணகிரி, தர்மபுரி, சேலம், ஈரோடு, திருப்பூர், திண்டுக்கல் மாவட்டங்களில் நாளை கனமழைக்கு வாய்ப்பு உள்ளதாக சென்னை வானிலை ஆய்வு மையம் கூறியுள்ளது.

6 ஆம் தேதி நீலகிரி, கோவை, திண்டுக்கல், தென்காசியில் மிக கனமழை பெய்வதற்கான ஆரஞ்சு அலர்ட் கொடுக்கப்பட்டுள்ளது. மேலும், திருப்பத்தூர், கிருஷ்ணகிரி, தர்மபுரி, ஈரோடு, சேலத்தில் 6 ஆம் தேதி கனமழை பெய்ய வாய்ப்பு உள்ளதாகவும், ராணிப்பேட்டை, வேலூர், திருப்பத்தூர் திருவண்ணாமலை, கிருஷ்ணகிரியில் 7 ஆம் தேதி கனமழை பெய்ய வாய்ப்புள்ளதாகவும் கூறப்பட்டுள்ளது. 

மேலும், 7 ஆம் தேதி நீலகிரி மாவட்டத்திற்கு ஆரஞ்சு அலர்ட் விடுக்கப்பட்டுள்ள நிலையில், நீலகிரி, கோவையில் 8ஆம் தேதி கன மழை பெய்வதற்கு வாய்ப்பு உள்ளதாகவும் தெரிவிக்கப்பட்டுள்ளது. மேலும், நீலகிரி மற்றும் கோவை மாவட்டங்களுக்கு இன்று மிக கனமழை பெய்வதற்கான ஆரஞ்சு அலட் விடுக்கப்பட்டது.

காஞ்சி, வேலூர், திருப்பத்தூர், திருவண்ணாமலை, விழுப்புரம் கள்ளக்குறிச்சி உள்ளிட்ட 11 மாவட்டங்களில் இன்று கனமழை பெய்யும் என்றும் தர்மபுரி, சேலம், கிருஷ்ணகிரி, தேனி, தென்காசி ஆகிய மாவட்டங்களிலும் இன்று கன மழை பெய்யும் என சென்னை வானிலை ஆய்வு மையம் தெரிவித்துள்ளது.

இதையும் படிங்க: 26 மாவட்டங்களில் வெளுக்கப் போகுது மழை! குடை கொண்டு போங்க மக்களே...