நாம் தமிழர் கட்சியின் தலைமை ஒருங்கிணைப்பாளர் சீமான், தேனி வனப்பகுதியில் இன்று ஆடு, மாடு மேய்க்கும் போராட்டத்தை நடத்துவதாக அறிவித்துள்ளார். இந்த அறிவிப்பு, மதுரை மாவட்டம் விராதனூரில் ஜூலை 10 அன்று நடைபெற்ற "மேய்ச்சல் நிலம் எங்கள் உரிமை" என்ற தலைப்பிலான ஆடு-மாடுகள் மாநாட்டில் வெளியிடப்பட்டது.

இந்த மாநாட்டில், வன உரிமை அங்கீகாரச் சட்டம் 2006-ன் கீழ் மேய்ச்சல் உரிமைகளை வழங்க வேண்டும், தமிழ்நாடு முழுவதும் மேய்ச்சல் நிலங்களை மீட்டெடுக்க வேண்டும், மேய்ச்சல் பொருளாதார மேம்பாட்டு வாரியம் அமைக்க வேண்டும் உள்ளிட்ட தீர்மானங்கள் நிறைவேற்றப்பட்டன. இந்தப் போராட்டம், மேய்ச்சல் நிலங்கள் மீதான உரிமைகளை வலியுறுத்துவதற்காகவும், கால்நடைகளை வளர்க்கும் மக்களின் உரிமைகளைப் பாதுகாப்பதற்காகவும் நடத்தப்பட உள்ளதாக கூறப்பட்டது.

இந்த மாநாட்டில், மேய்ச்சல் நிலங்களை மீட்கவும், கால்நடை வளர்ப்போரின் உரிமைகளைப் பாதுகாக்கவும், வன உரிமை அங்கீகாரச் சட்டம் 2006-ன் கீழ் மேய்ச்சல் உரிமைகளை உறுதி செய்யவும், மேய்ச்சல் பொருளாதார மேம்பாட்டு வாரியம் அமைக்கவும் தீர்மானங்கள் நிறைவேற்றப்பட்டன.

சீமான் மாடு மேய்க்கும் போராட்டம் அறிவித்து உள்ளதால் 500-க்கும் மேற்பட்ட மாடுகள் அடகுப்பாறை பகுதியில் நிறுத்தி வைக்கப்பட்டுள்ளன. மலைப் பகுதிகளில் மாடு மேய்க்க வனத்துறை கடும் கட்டுப்பாடுகள் விதிப்பதற்கு எதிர்ப்பு தெரிவிக்கப்பட்டு உள்ளது.

இதையும் படிங்க: சாதிய ஆணவப் படுகொலை! வாக்கரசியலுக்காக அம்போனு விடுவீங்களா?சீமான் ஆவேசம்

வனத்துறையை கண்டித்து சீமான் மாடு மேய்க்க உள்ளதால் ஏராளமான போலீசார் குவிக்கப்பட்டுள்ளனர். இந்தப் போராட்டத்திற்கு போலீசார் அனுமதி வழங்காத நிலையில், அனுமதியின்றி சீமான் போராட்டம் நடத்தும் பட்சத்தில் அவர் கைது செய்யப்பட வாய்ப்புள்ளதாகவும் கூறப்படுகிறது.

இதையும் படிங்க: டிஐஜி வருண் குமாருக்கு எதிராக அவதூறு கருத்து தெரிவிக்கக்கூடாது.. சீமானுக்கு தடை போட்ட ஐகோர்ட்..!!