ஈரோடு மாவட்டம் கோபிசெட்டிபாளையம் அருகே, அரசு பள்ளியில் கே.ஏ.செங்கோட்டையனை வரவேற்க தலைமை ஆசிரியர், மாணவர்களை பறையடிக்க வைத்த சம்பவம் சர்ச்சையாகி உள்ளது., இது குறித்து விசாரணை நடத்திய முதன்மை கல்வி அலுவலர், சம்மந்தப்பட்ட பள்ளி தலைமை ஆசிரியரிடம் விளக்கம் கேட்டு நோட்டீஸ் அனுப்பி உள்ளார்..

கோபிசெட்டிபாளையம் அடுத்த தாசப்ப கவுண்டன் புதூர் அரசு மேல்நிலைப் பள்ளியில் நடைபெற்ற நிகழ்ச்சியில் தமிழக வெற்றிக்கழக நிர்வாக குழு தலைமை ஒருங்கிணைப்பாளர் கே ஏ செங்கோட்டையன் மற்றும் சில சிறப்பு விருந்தினர்கள் பங்கேற்றனர்.

 இவர்களை வரவேற்பதற்காக பள்ளியின் தலைமை ஆசிரியர், குறிப்பிட்ட சில மாணவர்களை அவர்களின் வீடுகளில் இருந்து பறைகளை எடுத்து வரச் செய்தார் பின்னர் பள்ளியின் சீருடைகளை மாற்ற சொல்லி அவர்களை தொழில் முறை கலைஞர்களைப் போல் மாற்று சீருடையில் வரிசையில் நிற்க வைத்து சிறப்பு விருந்தினர்கள் வருகையின்போது பறை இசைக்க வைத்தார்.

இதையும் படிங்க: அஜித் குமார் போன்று புனிதன் கொலை..? விசாரிங்க சிஎம் சார்..! Tvk அருண்ராஜ் வலியுறுத்தல்..!

பள்ளி நேரத்தில் ஏழாம் வகுப்பு முதல் பத்தாம் வகுப்பு வரை பயிலக்கூடிய மாணவர்களை சிறப்பு விருந்தினர்களை வரவேற்பதற்காக மைதானத்தில் சுமார் 2 மணி நேரம் நிற்க வைத்து தலைமை ஆசிரியர் பறை இசைக்க வைத்த சம்பவம் சர்ச்சையை ஏற்படுத்தியது. 

இது தொடர்பான தகவல் முதன்மை கல்வி அலுவலரின் கவனத்திற்கு சென்றது. மாணவர்களை பறை இசைக்க வைத்த தலைமை ஆசிரியரிடம் விளக்கம் கேட்டு நோட்டீஸ் அனுப்பிய முதன்மை கல்வி அலுவலர் மான்விழி, விசாரணைக்கு பின் உரிய நடவடிக்கை எடுக்கப்படும் என தெரிவித்துள்ளார்.

மேலும் எம்எல்ஏ உள்ளிட்ட எந்த அரசு பொறுப்பிலும் இல்லாத தவெக நிர்வாகி செங்கோட்டையனுக்கு பரிவட்டம் கட்டி கும்ப மரியாதையுடன் அரசு பள்ளியில் வரவேற்பு அளிக்கப்பட்டது குறிப்பிடத்தக்கது. மற்றொருபுறம் திமுக மாணவர்களை அரசு நிகழ்ச்சிகளில் பங்கேற்க வைப்பதாக விளாசும் விஜய், தற்போது அவரது கட்சியின் தலைமை நிர்வாகி செய்த காரியத்திற்கு என்ன பதில் சொல்லப்போகிறார் என சோசியல் மீடியாக்களில் விமர்சனங்கள் எழுந்து வருகின்றன. 

இதையும் படிங்க: K.N.நேருவை அமைச்சர் பதவியில் இருந்து நீக்க வேண்டும்... தவெக விஜய் வலியுறுத்தல்..!!