தீபாவளிப் பண்டிகையைக் கொண்டாடிவிட்டுப் பொதுமக்கள் மற்றும் அரசுப் பணியாளர்கள் தங்களது சொந்த ஊர்களில் இருந்து சிரமமின்றித் திரும்புவதற்கு ஏதுவாக, தீபாவளிப் பண்டிகைக்கு அடுத்த நாளான நவம்பர் 9-ஆம் தேதி திங்கட்கிழமை அன்று தமிழ்நாடு முழுவதும் உள்ள அனைத்து அரசு அலுவலகங்கள், பள்ளிகள் மற்றும் கல்லூரிகளுக்குப் பொது விடுமுறை அளித்துத் தமிழ்நாடு அரசு அதிகாரப்பூர்வமாக உத்தரவிட்டுள்ளது.

பொதுமக்கள் தங்களது சொந்த ஊர்களுக்குச் சென்று குடும்பத்துடன் பண்டிகையைச் சிறப்பாகக் கொண்டாடிவிட்டுப் பணிக்குத் திரும்புவதற்குப் போதிய அவகாசம் தேவைப்படுவதால், தீபாவளிக்கு மறுநாளான திங்கட்கிழமையை விடுமுறை நாளாக அறிவிக்க வேண்டும் எனப் பல்வேறு தரப்பிலிருந்தும் அரசுக்குத் தொடர்ச்சியாகக் கோரிக்கைகள் விடுக்கப்பட்டு வந்தன.

இதையும் படிங்க: "ரங்கோலியும் தீப ஒளியும்"..! பாரம்பரியம்..!! தீபாவளியையொட்டி அமெரிக்கா தபால் தலை வெளியீடு.!!

பொதுமக்கள், அரசு ஊழியர்கள் மற்றும் ஆசிரியர்களின் நலனைக் கருத்தில் கொண்டு, இக்கோரிக்கையைக் கனிவுடன் பரிசீலித்த தமிழக அரசு, வரும் நவம்பர் 9-ஆம் தேதி திங்கட்கிழமையன்று மாநிலம் தழுவிய அரசு விடுமுறையை அறிவித்து உத்தரவிட்டுள்ளது. மேலும், இந்த விடுமுறை நாளை ஈடு செய்யும் வகையில், வரும் நவம்பர் 28-ஆம் தேதி சனிக்கிழமையன்று அனைத்து அரசு அலுவலகங்கள் மற்றும் கல்வி நிறுவனங்களுக்கு முழு பணி நாளாகச் செயல்படும் என்றும் அரசாணையில் தெளிவுபடுத்தப்பட்டுள்ளது.

இதையும் படிங்க: தீபாவளி முடியும் வரை போராட்டங்கள் இல்லை: கரப்பான்பூச்சி ஜனதா கட்சி அபிஜீத் திப்கே அறிவிப்பு!