பாரத ரத்னா என்பது இந்தியாவின் உயர்ந்த மற்றும் மிக மதிப்பு வாய்ந்த குடியரசுத் தலைவர் விருதாகும். இது ஒரு நாட்டின் மிக உன்னதமான குடிமகன் விருது என்று கருதப்படுகிறது. 1954-ஆம் ஆண்டு இந்திய அரசால் உருவாக்கப்பட்ட இந்த விருது, எந்தத் துறையிலும் மிக உயர்ந்த மற்றும் விதிவிலக்கான சேவை அல்லது செயல்திறன் ஆற்றியவர்களுக்கு வழங்கப்படுகிறது. கலை, இலக்கியம், அறிவியல், பொது சேவை, விளையாட்டு உள்ளிட்ட எந்தத் துறையாக இருந்தாலும் சரி, இந்தியாவின் முன்னேற்றத்திற்கு அல்லது மனித குலத்திற்கே அரும்பெரும் பங்களிப்பு செய்தவர்களுக்கு இந்த விருது அளிக்கப்படுகிறது.

கலைஞர் மு. கருணாநிதி தமிழ்நாட்டு அரசியலின் ஒரு நூற்றாண்டு சகாப்தம். 1924-ஆம் ஆண்டு ஜூன் 3-ஆம் தேதி திருக்குவளையில் பிறந்த அவர், 2018 ஆகஸ்ட் 7-ஆம் தேதி சென்னையில் காலமானார். 70 ஆண்டுகளுக்கும் மேலாக தீவிர அரசியலில் இருந்தார். ஐந்து முறை தமிழ்நாட்டின் முதலமைச்சராகப் பொறுப்பேற்றவர். திமுக என்ற கட்சியை உருவாக்கி, அதை தமிழகத்தின் மிகப் பெரிய அரசியல் சக்தியாக மாற்றியவர். தமிழ் மொழி, திராவிட இயக்கம், சமூக நீதி, மத்திய மாநில உறவு ஆகிய தளங்களில் தனித்துவமான அடையாளத்தை ஏற்படுத்தியவர். 

கலைஞர் கருணாநிதிக்கு பாரத ரத்னா விருது வழங்க வேண்டும் என நாடாளுமன்ற உறுப்பினர் தமிழச்சி தங்கபாண்டியன் மக்களவையில் வலியுறுத்தியுள்ளார். திராவிடக் கொள்கையை முன்னெடுத்துச் செல்வதில் சாம்பியனாக திகழ்ந்தவர் கலைஞர் என்றும் சமுதாயத்தின் அடித்தட்டு மக்களின் வாழ்க்கையை மேம்படுத்துவதிலும் சாம்பியன் கலைஞர் கருணாநிதி எனவும் தெரிவித்தார்.

இதையும் படிங்க: தேவையில்லாம பேசாதீங்க… RSS- ஐ பூந்து விளாசிய ராகுல் காந்தி… கொந்தளித்த பாஜக..!

ஆட்சி நிர்வாகத்தில் பிற மாநிலங்களுக்கு முன்னுதாரணமாகவும், ஏழை, ஒடுக்கப்பட்ட மக்களுக்காகவும் செயல்பட்டவர் என்றும் தமிழ்நாட்டின் வளர்ச்சிக்காக தனது வாழ்நாள் முழுவதும் பணியாற்றியவர், தான் போட்டியிட்ட அனைத்து சட்டப்பேரவை தேர்தல்களிலும் வென்றவர் எனவும் புகழாரம் சூட்டினார்.

இதையும் படிங்க: வந்தே மாதரம் 150..! நெருக்கடி நிலையில் நூற்றாண்டு விழா… தலைமுறைகளைக் கடந்தும் உத்வேகம்… பிரதமர் பெருமிதம்…!